കാസര്കോട്: കാസര്കോട് ജില്ലയില് ഇന്നലെ 208 പേര്ക്ക് കൂടി കൊവിഡ് 19 സ്ഥിരീകരിച്ചു. സമ്പര്ക്കത്തിലൂടെ 203 പേര്ക്കും ഇതരസംസ്ഥാനത്ത് നിന്നെത്തിയ മൂന്ന് പേര്ക്കും വിദേശത്ത് നിന്നെത്തിയ രണ്ട് പേര്ക്കുമാണ് കൊവിഡ് സ്ഥിരീകരിച്ചത്. ഇന്നലെ 173 പേര്ക്കാണ് കൊവിഡ് നെഗറ്റീവായതെന്ന് ജില്ലാ മെഡിക്കല് ഓഫീസര് (ഹെല്ത്ത്) ഡോ.എ. വി.രാംദാസ് പറഞ്ഞു.
വീടുകളില് 3619 പേരും സ്ഥാപനങ്ങളില് 1275 പേരുമുള്പ്പെടെ ജില്ലയില് ആകെ നിരീക്ഷണത്തിലുള്ളത് 4894 പേരാണ്. പുതിയതായി 257 പേരെ കൂടി നിരീക്ഷണത്തിലാക്കി. സെന്റിനല് സര്വ്വേ അടക്കം പുതിയതായി 833 സാമ്പിളുകള് കൂടി പരിശോധനയ്ക്ക് അയച്ചു. 371 പേരുടെ പരിശോധനാ ഫലം ലഭിക്കാനുണ്ട്. 279 പേര് നിരീക്ഷണ കാലയളവ് പൂര്ത്തിയാക്കി. 200 പേരെ ആശുപത്രികളിലും കൊവിഡ് കെയര് സെന്ററുകളിലുമായി പ്രവേശിപ്പിച്ചു.
ആശുപത്രികളില് നിന്നും കൊവിഡ് കെയര് സെന്ററുകളില് നിന്നും 218 പേരെ ഡിസ്ചാര്ജ് ചെയ്തു.
8404 പേര്ക്കാണ് ജില്ലയില് ഇതുവരെ കൊവിഡ് സ്ഥിരീകരിച്ചത്. ഇതില് 663 പേര് വിദേശത്ത് നിന്നെത്തിയവരും 493 പേര് ഇതരസംസ്ഥാനത്ത് നിന്നെത്തിയവരും 7248 പേര്ക്ക് സമ്പര്ക്കത്തിലൂടെയുമാണ് രോഗം സ്ഥിരീകരിച്ചത്. 6292 പേര്ക്ക് ഇതുവരെ കൊവിഡ് നെഗറ്റീവായി. കൊവിഡ് ബാധിച്ച് മരണപ്പെട്ടവരുടെ എണ്ണം 66 ആയി. നിലവില് 2046 പേരാണ് കൊവിഡ് ചികിത്സയിലുള്ളത്. ഇതില് 833 പേര് വീടുകളില് ചികിത്സയിലാണ്.
കാസര്കോട് 18, ചെമ്മനാട് 39, കാഞ്ഞങ്ങാട് 19, ബളാല് 11, അജാനൂര് 20, നീലേശ്വരം 13 തുടങ്ങിയവയാണ് ഇന്നലെ ഏറ്റവും കൂടുതല് പോസ്റ്റീവ് കേസുകള് റിപ്പോര്ട്ട് ചെയ്ത തദ്ദേശസ്വയംഭരണ സ്ഥാപനങ്ങള്.
