തൃശൂര് : ജന്മാഷ്ടമിയോടനുബന്ധിച്ച് ശ്രീകൃഷ്ണന്റെ ചിത്രം വികലമാക്കി സമൂഹ മാധ്യമങ്ങള് വഴി പ്രചരിപ്പിച്ച സിപിഎം പ്രവര്ത്തകന് പിടിയില്. കുന്നംകുളം പെങ്ങാമുക്ക് സ്വദേശി സബിത്താണ് അറസ്റ്റിലായത്. കുന്നംകുളം പോലീസാണ് അറസ്റ്റ് ചെയ്തത്.
ശ്രീകൃഷ്ണന്റെ ചിത്രം ഇയാള് വികലമാക്കി വരച്ച് സമൂഹ മാധ്യമങ്ങള് വഴി പ്രചരിപ്പിക്കുന്നതായി പരാതി ലഭിച്ചതിന്റെ അടിസ്ഥാനത്തില് ആയിരുന്നു നടപടി. ഹിന്ദു ഐക്യവേദി കാട്ടകാമ്പാല് പഞ്ചായത്ത് സംഘടനാ സെക്രട്ടറി പി.എന്. മണികണ്ഠനാണ് പരാതി നല്കിയത്. ശ്രീകൃഷ്ണന്റെ ചിത്രത്തിനൊപ്പം കൃഷ്ണ സ്തുതിയും ഇയാള് വികലമാക്കി എഴുതി പ്രചരിപ്പിച്ചു.
