ദുബായ്: ചെന്നൈ സൂപ്പര് കിങ്സ് പേസര് ദീപക് ചഹറിന്റെ കൊറോണ പരിശോധനാ ഫലം നെഗറ്റീവ്. രണ്ടാം പരിശോധന ഫലവും നെഗറ്റീവായതിനെ തുടര്ന്ന് ടീമില് തിരിച്ചെത്തി. അതേസമയം ചഹറിനൊപ്പം കൊറോണ സ്ഥിരീകരിച്ച ബാറ്റ്സ്മാന് ഋതുരാജ് ഗെയ്ക്കുവാദ് ഇപ്പോഴും ക്വാറന്റൈനിലാണ്.
രണ്ട് പരിശോധനാ ഫലവും നെഗറ്റീവായതിനെ തുടര്ന്ന് ദീപക് ചഹര് ടീമില് തിരച്ചെത്തിയതായി സിഇഒ കെ.എസ്. വിശ്വനാഥന് പറഞ്ഞു.
ബസിസിഐ പ്രോട്ടോകോള് അനുസരിച്ച് ദീപക് ചഹര് ഇനി ഫിറ്റ്നസ് ടെസ്റ്റ് പാസാകണം. അതിനുശേഷം ഒരു കൊറോണ ടെസ്റ്റ് കൂടിയുണ്ടാകും. ഫലം നെഗറ്റീവ് ആയാല് ചഹറിന് പരിശീലനത്തിന് പങ്കെടുക്കാമെന്ന് വിശ്വനാഥന് വെളിപ്പെടുത്തി.
ചെന്നൈ ടീം ദുബായിലെത്തിയശേഷം നടത്തിയ പരിശോധനയില് ദീപക് ചഹര്, ഋതുരാജ് ഗെയ്ക്കുവാദ് എന്നിവര് അടക്കം പതിമൂന്ന് പേര്ക്ക് കൊറോണ സ്ഥീരികരിച്ചിരുന്നു.
