കണ്ണൂര്‍: എബിവിപി പ്രവര്‍ത്തകന്‍ ശ്യാമപ്രസാദിനെ വെട്ടിക്കൊലപ്പെടുത്തിയ കേസിലെ പ്രതി കൊല്ലപ്പെട്ടു. ശ്യാമപ്രസാദ് കൊല്ലപ്പെട്ട കേസിലെ ഏഴാം പ്രതിയും എസ്ഡിപിഐ പ്രവര്‍ത്തകനുമായ കണ്ണവം വാഴപ്പുരയില്‍ സലാഫുദ്ദീനാണ് കൊല്ലപ്പെട്ടത്..
സലാഫുദ്ദീന്‍ സഞ്ചരിച്ച കാറില്‍ ബൈക്കിലെത്തിയ ഒരുസംഘം പേര് ഇടിക്കുകയും തുടര്‍ന്ന് ഇരുവരും തമ്മില്‍ ഏറ്റുമുട്ടല്‍ ഉണ്ടാവുകയുമായിരുന്നു. ഇതിനിടെയാണ് സലാഫുദ്ദീന്‍ മരിക്കുന്നത്. വൈകിട്ട് നാലു മണിയോടെ ചിറ്റാരിക്കടവിനടുത്ത് കൈച്ചേരിയിലാണ് സംഭവം നടന്നത്.
2018 ജനുവരിയിലായിരുന്നു ശ്യാമപ്രസാദ് കൊല്ലപ്പെട്ടത്. ഒളിവിലായിരുന്ന സലാഫുദ്ദീന്‍ 2019 മാര്‍ച്ചില്‍ പോലീസ് കീഴടങ്ങുകയായിരുന്നു. സലാഫുദ്ദീന്റെ മൃതദേഹം തലശ്ശേരി സഹകരണ ആശുപത്രി മോര്‍ച്ചറിയിലേക്ക് മാറ്റി.
