തിരുവനന്തപുരം: തദ്ദേശ സ്വയംഭരണ വകുപ്പ് മന്ത്രി എസി. മൊയ്തീന് നിരീക്ഷണത്തില്‍. മന്ത്രിയുടെ ഓഫീസിലെ എട്ട് ജീവനക്കാര്‍ക്ക് കൊറോണ സ്ഥിരീകരിച്ചതോടെയാണ് മന്ത്രി നിരീക്ഷണത്തില്‍ പോയിരിക്കുന്നത്. ഇന്ന് നടത്തിയ പരിശോധനയിലാണ് ജീവനക്കാര്‍ക്ക് കൊറോണ സ്ഥിരീകരിച്ചത്.
ഓഫീസിലെ മറ്റ് ജീവനക്കാരോടും നിരീക്ഷണത്തില്‍ പോകാന്‍ നിര്‍ദ്ദേശം നല്‍കിയിട്ടുണ്ട്. ഇത് കൂടാതെ സെക്രട്ടറിയേറ്റിലെ അനക്സ് 1 ലെ അഞ്ചാം നിലയിലെ കെട്ടിടം അടയ്‌ക്കുകയും ചെയ്തു. അണുവിമുകതമാക്കിയശേഷം മാത്രമേ ഇനി വീണ്ടും തുറക്കൂ. മന്ത്രി എ സി മൊയ്തീന് കൊറോണ പരിശോധന നടത്തുമെന്ന് ഔദ്യോഗിക വൃത്തങ്ങള്‍ അറിയിച്ചു.
