ന്യൂദല്ഹി: മുഖ്യ സ്പോണ്സര്മാരായ ഡ്രീം ഇലവനെ ഉള്പ്പെടുത്തിയ പുതിയ ഇന്ത്യന് പ്രീമിയര് ലോഗോ ഇന്ത്യന് ക്രിക്കറ്റ് കണ്ട്രോള് ബോര്ഡ് (ബിസിസിഐ) ഇന്നലെ പുറത്തിറക്കി.
ചൈനീസ് മൊബൈല് കമ്പനിയായ വിവോ മുഖ്യ സ്പോണ്സര്ഷിപ്പില് നിന്ന് പിന്മാറിയതിനെ തുടര്ന്നാണ് ബിസിസിഐ ഈ വര്ഷത്തേക്ക് പുതിയ സ്പോണ്സര്മാരായി ഡ്രീം ഇലവനെ കണ്ടെത്തിയത്. കരാര് അനുസരിച്ച് ഡ്രീം ഇലവന് 222 കോടി രൂപ ബിസിസിഐയ്ക്ക് നല്കും. വിവോ നല്കിയിരുന്നതിന്റെ പകുതിയാണ് ഈ തുക. വിവോ 440 കോടിയാണ് നല്കിയിരുന്നത്.
പതിമൂന്നാമത് ഐപിഎല് സെപ്തംബര് 19 മുതല് നവംബര് പത്ത് വരെ യുഎഇയിലെ മൂന്ന് വേദികളിലായി അരങ്ങേറും. മുംബൈ ഇന്ത്യന്സാണ് നിലവിലെ ചാമ്പ്യന്മാര്. സെപ്തംബര് 19 ന് നടക്കുന്ന ആദ്യ മത്സരത്തില് മുംബൈ ഇന്ത്യന്സ് ചെന്നൈ സൂപ്പര് കിങ്സിനെ നേരിടും.
ജന്മഭൂമി ഓണ്ലൈന്