ബാഹുബലിയുടെ സൂപ്പര്ഹിറ്റ് വിജയത്തിന് ശേഷം പുതിയ സിനിമ പ്രഖ്യാപിച്ച് പ്രഭാസ്. രാമ-രാവണ യുദ്ധം പശ്ചാത്തലമാക്കി എത്തുന്ന ബിഗ് ബജറ്റ് ചിത്രമായ ആദിപുരുഷിലാണ് നായകനായി പ്രഭാസ് എത്തുന്നത്. തിന്മയ്ക്ക് മുകളില് നന്മയുടെ വിജയം എന്നാണ് ചിത്രത്തിന് നല്കിയിരിക്കുന്ന ടാഗ്ലൈന്.
ബോളിവുഡ് സൂപ്പര് ഹിറ്റായ താനാജി സിനിമ ഒരുക്കിയ ഓം റൗട്ടാണ് സംവിധായകന്. സിനിമ നിര്മ്മിക്കുന്നത് ടി സീരിസാണ്. 3ഡിയില് ഒരുങ്ങുന്ന സിനിമ അഞ്ചു ഭാഷകളിലാണ് തിയറ്ററില് എത്തുന്നത്. മലയാളം, തെലുങ്ക്, ഹിന്ദി, കന്നഡ, തമിഴ് എന്നീ ഭാഷകളിലാണ് സിനിമ പുറത്തിറങ്ങുക.
രാമായണ കഥ അതിമനോഹരമായ ദൃശ്യത്തോടെ അനുഭവിച്ചറിയാന് പ്രേക്ഷകര്ക്ക് അവസരമൊരുക്കുകയാണ് ആദിപുരുഷ് എന്ന ത്രിഡി സിനിമകൊണ്ട് ഉദേശിക്കുന്നതെന്ന് നിര്മാതാവ് ഭൂഷണ് കുമാര് പറഞ്ഞു.
