ബെംഗളൂരു: കര്ണാടകയിലെ പ്രതിപക്ഷ നേതാവ് സിദ്ധരാമയ്യയ്ക്കും കൊറോണ സ്ഥിരീകരിച്ചു. അദേഹം തന്നെയാണ് ഇക്കാര്യം ട്വിറ്ററിലൂടെ അറിയിച്ചത്. ആശുപത്രിയില് ചികിത്സയിലാണെന്നും താനുമായി സമ്പര്ക്കം പുലര്ത്തിയവര് ഉടന് പരിശോധന നടത്തി സ്വയം ക്വാറന്റൈനില് പ്രവേശിക്കണമെന്നും സിദ്ധരാമയ്യ ആവശ്യപ്പെട്ടു.
മണിപ്പാല് ആശുപത്രിയിലാണ് സിദ്ധരാമയ്യ ചികിത്സ തേടിയിരിക്കുന്നത്. സിദ്ധരാമയ്യയ്ക്ക് ആരോഗ്യപ്രശ്നങ്ങളില്ലെന്ന് മണിപ്പാല് ആശുപത്രി അധികൃതര് അറിയിച്ചു. നേരത്തെ കര്ണാടക മുഖ്യമന്ത്രി ബിഎസ് യെദിയൂരപ്പയ്ക്കും കൊറോണ സ്ഥിരീകരിച്ചിരുന്നു. അദേഹവും ആശുപത്രിയില് ചികിത്സയിലാണ്.
