തിരുവനന്തപുരം: സ്വര്ണ കള്ളക്കടത്തു കേസില് മുഖ്യമന്ത്രിയുടെ കൈയ്യും മുഖ്യമന്ത്രിയുടെ ഓഫീസും ശുദ്ധമാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. കേസില് സര്ക്കാരിനും പാര്ട്ടിക്കും ഒന്നും ഒളിക്കാനില്ല. സര്ക്കാരിനെ അട്ടിമറിക്കനുള്ള ശ്രമം നടക്കുന്നെന്നും കോടിയേരി വാര്ത്താ സമ്മേളനത്തില് ആരോപിച്ചു.
ശിവശങ്കറിനെതിരായി കസ്റ്റംസോ എന്ഐഎയോ റിപ്പോര്ട്ട് നല്കിയിട്ടില്ല. പ്രതിപക്ഷം മുഖ്യമന്ത്രിയെ കേന്ദ്രീകരിച്ച് പ്രചാരണം നടത്തി സര്ക്കാരിനെ അസ്ഥിരീകരിക്കുന്നതിനുള്ള ശ്രമം നടത്തുന്നു. ബിജെപി നേതാവ് പി.കെ കൃഷ്ണദാസ് സര്ക്കാരിനെ പിരിച്ചുവിടുമെന്ന് പറഞ്ഞത് ഇതിന്റെ അടിസ്ഥാനത്തിലാണെന്നും കോടിയേരി പറഞ്ഞു.
സോളാര് കേസില് മുഖ്യമന്ത്രിക്കെതിരെ വരെ ആരോപണം ഉയര്ന്നിരുന്നു. ഉമ്മന്ചാണ്ടി പറഞ്ഞിട്ടാണ് പണം നല്കിയത് എന്നടക്കം ആരോപണം ഉയര്ന്നു വന്നിരുന്നു. സ്വര്ണ്ണക്കടത്ത് കേസില് മുഖ്യമന്ത്രിയുടെ കൈയ്യും മുഖ്യമന്ത്രിയുടെ ഓഫീസും ശുദ്ധമാണ്. കോടിയേരി കൂട്ടിച്ചേര്ത്തു.
മുഖ്യമന്ത്രിയുടെ ഓഫീസിനെതിരെ രൂക്ഷമായ വിമര്ശനങ്ങളാണ് സിപിഎം സംസ്ഥാന സെക്രട്ടറിയേറ്റില് ഉയര്ന്നത്. സര്ക്കാരിന് ജാഗ്രത കുറവുണ്ടായതായി യോഗത്തില് ആക്ഷേപം ഉയര്ന്നു. സര്ക്കാരിന്റെ പ്രവര്ത്തനങ്ങളിലുള്ള അതൃപ്തി മറനീക്കി പുറത്തു വന്നിരിക്കുന്ന സാഹചര്യത്തില് മുഖ്യമന്ത്രിയുടെ ഓഫീസിന്മേല് പാര്ട്ടി കൂടുതല് നിയന്ത്രണങ്ങള് കൊണ്ടുവരാനുള്ള സാധ്യത വര്ധിച്ചിരിക്കുകയാണ്. ഇതു സംബന്ധിച്ച് നേരത്തേ തന്നെ പാര്ട്ടി വൃത്തങ്ങള് സൂചന നല്കിയിരുന്നു. പാര്ട്ടി സംസ്ഥാന സെക്രട്ടറിയേറ്റില് നിന്നുതന്നെ മുഖ്യമന്ത്രിയുടെ ഓഫീസില് ഒരാളെ നിയമിക്കാനാണ് സാധ്യത.
