കൊല്ലം: ഒരു കുടുംബത്തിലെ നാലുപേര്‍ ഉള്‍പ്പടെ ജില്ലയില്‍ ഇന്നലെ 23 പേര്‍ക്ക് കോവിഡ് സ്ഥിരീകരിച്ചു. എട്ടുപേര്‍ വിദേശത്തുനിന്നും ഒരാള്‍ മഹാരാഷ്‌ട്രയില്‍നിന്നുമാണ്. 14 പേര്‍ നാട്ടുകാരാണ്. ഇവര്‍ സമ്പര്‍ക്കത്തിലൂടെ രോഗബാധിതരായവരാണ്. വിദേശത്ത് നിന്നും എത്തിയവര്‍ ആറുപേര്‍ സൗദിയില്‍നിന്നും, ബഹ്റിന്‍, കിര്‍ഗിസ്ഥാന്‍ എന്നിവിടങ്ങളില്‍ നിന്ന് ഒരാള്‍ വീതവും ഒരാള്‍ മഹാരാഷ്‌ട്രയില്‍ നിന്നുമാണ് എത്തിയത്.
നെടുമണ്‍കാവ് കുടിക്കോട് സ്വദേശികളായ 54, 31, 20 വീതം വയസുള്ള പുരുഷന്മാരും 50 വയസുള്ള സ്ത്രീയും ഉള്‍പ്പെടുന്നതാണ് ഒരു കുടുംബത്തിലെ നാലുപേര്‍. ജൂലൈ ആറിന് കോവിഡ് സ്ഥിരീകരിച്ച ശാസ്താംകോട്ട ആഞ്ഞിലിമൂട്ടിലെ മത്സ്യവില്പനക്കാരനില്‍നിന്ന് സമ്പര്‍ക്കം വഴി രോഗം സംശയിക്കുന്ന 26, 33, 13, 26, വയസുകാരായ രാജഗിരി സ്വദേശികള്‍, 13 വയസുള്ള രാജഗിരി സ്വദേശിനി, 36 കാരനായ പരവൂര്‍ സ്വദേശി, ചവറ തെക്കുംഭാഗം സ്വദേശിയായ നാലു വയസുള്ള ആണ്‍കുട്ടി, ആരോഗ്യ പ്രവര്‍ത്തകനായ മുട്ടറ സ്വദേശി(48), പുനലൂര്‍ ഭാരതീപുരം സ്വദേശി(28), യാത്രാചരിതം ഇല്ലാത്ത തേവലക്കര സ്വദേശി(38) എന്നിവര്‍ക്കാണ് സമ്പര്‍ക്കത്തിലൂടെ രോഗബാധ സംശയിക്കുന്നത്.
വിദേശത്ത് നിന്നും എത്തിയവര്‍: തേവലക്കര കോയിവിള സ്വദേശി(40), കരിക്കോട് സ്വദേശി(36), തേവലക്കര തെക്കുംഭാഗം സ്വദേശി(52), കൊട്ടാരക്കര കിഴക്കേത്തെരുവ് സ്വദേശി(42), ആദിച്ചനല്ലൂര്‍ വെളിച്ചിക്കാല സ്വദേശി (41) പന്മന വടക്കുംതല സ്വദേശി(50) എന്നിവര്‍ സൗദിയില്‍ നിന്നും എത്തിയവരാണ്. കൊട്ടാരക്കര സ്വദേശി(21) കിര്‍ഗിസ്ഥാനില്‍ നിന്നും തെന്മല ഉറുകുന്ന് സ്വദേശിനി(35) ബഹ്റിനില്‍ðനിന്നും എത്തിയതാണ്. കടയ്‌ക്കല്‍ സ്വദേശി(29) മഹാരാഷ്‌ട്രയില്‍ നിന്നും എത്തിയതാണ്. അതിനിടെ ഇന്നലെ ജില്ലയില്‍ രണ്ടുപേര്‍ കോവിഡ് രോഗമുക്തരായി. തൊടിയൂര്‍ സ്വദേശി(29), കരുനാഗപ്പള്ളി ആലുംകടവ് സ്വദേശി(47) എന്നിവരാണിത്.
പ്രതികരിക്കാൻ ഇവിടെ എഴുതുക: