കൊച്ചി: സിനിമാ ആരാധകരെ അമ്പരിപ്പിച്ച് ലിജോ ജോസ് പെല്ലിശ്ശേരി. തന്റെ പുതിയ സിനിമയായ ചുരുളിയുടെ പോസ്റ്റര് പങ്കുവെച്ചാണ് സിനിമ പ്രേമികളെ സംവിധായകന് കുഴപ്പിക്കുന്നത്. ഇന്ന് വൈകിട്ട് ആറു മണിക്ക് എന്ന അറിയിപ്പോടെയാണ് പോസ്റ്റര്. നേരത്തെ ചിത്രീകരണം പൂര്ത്തിയാക്കിയ ചിത്രം ഇന്ന് ഓണ്ലൈനില് റിലീസ് ചെയ്യുമോയെന്നാണ് കാത്തിരിക്കുന്നത്.
ചെമ്പന് വിനോദ്, ജോജു ജോര്ജ്, സൗബിന് ഷാഹിര്, വിനയ് ഫോര്ട്ട് തുടങ്ങിയവരാണ് ചിത്രത്തിലെ പ്രധാന വേഷത്തില് എത്തിയത്. ജെല്ലിക്കെട്ട് സിനിമയുടെ ഷൂട്ടിന് പിന്നാലെ ചുരുളിയുടേയും ചിത്രീകരണം പൂര്ത്തിയാക്കിയിരുന്നു. സിനിമയുടെ ട്രെയിലറായിരിക്കും പുറത്തുവരുന്നതെന്നും സിനിമാ മേഖലയിലുള്ളവര് പറയുന്നു. എന്നാല്, എന്താണ് സസ്പെന്സ് ഉളിപ്പിച്ച് വച്ചിരിക്കുന്നതെന്ന് ലിജോ ജോസ് പെല്ലിശ്ശേരി വെളിപ്പെടുത്തിയിട്ടില്ല.
