കാസര്കോട്: കാസര്കോട് ജില്ലയില് ഇന്നലെ 11 പേര്ക്ക് കൂടി കോവിഡ് 19 സ്ഥിരീകരിച്ചു. രോഗം സ്ഥിരീകരിച്ചവരില് ഒമ്പത് പേര് വിദേശത്ത് നിന്ന് വന്നവരും രണ്ട് മഹാരാഷ്ട്രയില് നിന്നുമെത്തിയവരുമാണെന്ന് ജില്ലാ മെഡിക്കല് ഓഫീസര് ഡോ എ.വി രാംദാസ് അറിയിച്ചു.
ജൂണ് 14ന് കുവൈത്തില് നിന്നെത്തിയ 43, 25 വയസുള്ള മഞ്ചേശ്വരം, പള്ളിക്കര പഞ്ചായത്ത് സ്വദേശികള്ക്കും ജൂണ് 23ന് കുവൈത്തില് നിന്നു വന്ന 26, 27 വയസുള്ള കാഞ്ഞങ്ങാട് നഗരസഭാ സ്വദേശികള്ക്കും ജൂണ് 20ന് കുവൈത്തില് നിന്നെത്തിയ 46 വയസുള്ള അജാനൂര് പഞ്ചായത്ത് സ്വദേശിക്കും ജൂണ് 13ന് അബുദാബിയില് നിന്ന് വന്ന 25 വയസുള്ള കാഞ്ഞങ്ങാട് നഗരസഭാ സ്വദേശിനിക്കും ജൂണ് 22ന് കുവൈത്തില് നിന്ന് വന്ന 43 വയസുള്ള മീഞ്ച പഞ്ചായത്ത് സ്വദേശിക്കും ജൂണ് 16ന് കുവൈത്തില് നിന്നെത്തിയ 34 വയസുള്ള പനത്തടി പഞ്ചായത്ത് സ്വദേശിക്കും ജൂണ് ആറിന് ഒമാനില് നിന്ന് വന്ന 36 വയസുള്ള വോര്ക്കാടി പഞ്ചായത്ത് സ്വദേശിക്കും ഇന്നലെ കോവിഡ് പോസിറ്റീവായി.
മഹാരാഷ്ട്രയില് നിന്ന് ജൂണ് 16ന് വന്ന 34 വയസുള്ള കോടോംബേളൂര് പഞ്ചായത്ത് സ്വദേശി, ജൂണ് ഏഴിന് വന്ന 41 വയസുള്ള മംഗല്പാടി പഞ്ചായത്ത് സ്വദേശി എന്നിവര്ക്കും കോവിഡ് പോസിറ്റീവായി.
സമ്പര്ക്കത്തിലൂടെ കോവിഡ് 19 സ്ഥിരീകരിച്ച് കാസര്കോട് ജനറല് ആശുപത്രിയില് ചികിത്സയിലായിരുന്ന ആരോഗ്യ പ്രവര്ത്തക (34 വയസുള്ള സ്ത്രീ) ഉള്പ്പെടെ അഞ്ച് പേര്ക്ക് കോവിഡ് നെഗറ്റീവായി.
കാസര്കോട് മെഡിക്കല് കോളേജില് ചികിത്സയിലുണ്ടായിരുന്ന മഹാരാഷ്ട്രയില് നിന്നെത്തി ജൂണ് ആറിന് കോവിഡ് സ്ഥിരീകരിച്ച 26 വയസുള്ള ബദിയഡുക്ക പഞ്ചായത്ത് സ്വദേശി, അബുദാബിയില് നിന്നെത്തി ജൂണ് ആറിന് കോവിഡ് പോസിറ്റീവായ 32 വയസുള്ള ബദിയഡുക്ക പഞ്ചായത്ത് സ്വദേശി,
പടന്നക്കാട് കോവിഡ് കേന്ദ്രത്തില് ചികിത്സയിലുണ്ടായിരുന്ന ഹരിയാനയില് നിന്ന് വന്ന് ജൂണ് 14 ന് കോവിഡ് സ്ഥിരീകരിച്ച 36 വയസുള്ള കിനാനൂര് കരിന്തളം പഞ്ചായത്ത് സ്വദേശി, മഹാരാഷ്ട്രയില് നിന്നെത്തി ജൂണ് 14 ന് രോഗം സ്ഥിരീകരിച്ച 19 വയസുള്ള പടന്ന പഞ്ചായത്ത് സ്വദേശി എന്നിവര്ക്കും കോവിഡ് നെഗറ്റീവായി.
