നാദാപുരം: അപേക്ഷ നല്കി അഞ്ചു വര്ഷമായിട്ടും വൈദ്യുതി നല്കാത്തതില് പ്രതിഷേധിച്ച് ബിജെപി പ്രക്ഷോഭത്തിലേക്ക്. നരിപ്പറ്റ പഞ്ചായത്തിലെ പയ്യക്കണ്ടി കോളനിയിലെ ജയേഷിന്റെ വീട്ടിലാണ് വൈദ്യുതി ലഭിക്കാത്തത്. ഹൃദ്രോഗിയായ ജയേഷ് അഞ്ചു വര്ഷത്തോളമായി വൈദ്യുതി കണക്ഷന് വേണ്ടി അപേക്ഷ നല്കി കാത്തിരിക്കുകയാണ്. വൈദ്യുതി ഇല്ലാത്തതിനാല് ഏഴും ഒന്നും ക്ലാസ്സുകളില് പഠിക്കുന്ന രണ്ട് പെണ്കുട്ടികളുടെ ഓണ്ലൈന്പഠനം ദുരിതത്തിലായിരി ക്കുകയാണ്.
കുടുംബത്തിന് റേഷന് കാര്ഡും ലഭിച്ചിട്ടില്ല. അധികൃതരുടെ അനാസ്ഥക്കെതിരെ ബിജെപി. പ്രക്ഷോഭം നടത്തുമെന്ന് വീട് സന്ദര്ശിച്ച നേതാക്കള് അറിയിച്ചു. മണ്ഡലം പ്രസിഡന്റ് കെ.കെ. രഞ്ജിത്തിന്റെ നേതൃത്വത്തില് മണ്ഡലം ജനറല് സെക്രട്ടറി രവി വെള്ളൂര്, കെ. മോഹനന്, കെ.ടി. ശശി, യു. രാജന്, സജിത്കുമാര് എന്നിവര് വീട് സന്ദര്ശിച്ചു.
