മണ്ണാര്ക്കാട്: കരുവാരക്കുണ്ട് വനത്തില് നിന്നും മലയണ്ണാനെയും, കരിങ്കുരങ്ങിനെയും വെടിവച്ച കേസില് രണ്ടു പേര് കൂടി പിടിയില്. തെങ്കര പ്ലാത്തോട്ടത്തില് ജോയി സെബാസ്റ്റ്യന് (56) ,തെങ്കര മുല്ലവളപ്പില് മുഹമ്മദ് ഷാഫി (26) എന്നിവരെ റെയ്ഞ്ച് ഫോറസ്റ്റ് ഓഫീസര് യു. ആഷിക് അലിയും സംഘവുമാണ് അറസ്റ്റ് ചെയ്തത്.
ഫെബ്രുവരിയിലാണ് സംഭവം നടന്നത്. 21 പ്രതികളില്17 പേരെയാണ് ഇതുവരെ പിടികൂടിയിട്ടുള്ളത്. ഇനി നാല് പേരെ പിടികൂടാനുണ്ട്. ഡെപ്യൂട്ടി റെയ്ഞ്ച് ഓഫീസര് കെ.കെ. മുരളീധരന്, ബീറ്റ് ഫോറസ്റ്റ് ഓഫീസര്മാരായ എസ്. പ്രസാദ്, വി.കെ. അരുണ്, വി.രഞ്ജന എന്നിവരടങ്ങുന്ന സംഘമാണ് പ്രതികളെ പിടികൂടിയത്.
