തിരുവനന്തപുരം: കിഴക്കേ മുക്കോല മാഞ്ഞാംകോട് കോളനിയിലെ 20 ഓളം കുട്ടികള്‍ക്കായി സേവാഭാരതിയുടെ വിദ്യാദര്‍ശന്‍ പദ്ധതിയുടെ ഭാഗമായി ടെലിവിഷന്‍ നല്‍കി. നെടുമണ്‍ 58-ാം നമ്പര്‍ അങ്കണവാടിയിലാണ് പഠനത്തിനായി ടെലിവിഷന്‍ നല്‍കിയത്.
സേവാകേന്ദ്രം സി.എസ്. മോഹനന്‍ പിള്ള നല്‍കിയ ടിവി സേവാഭാരതി കരകുളം പഞ്ചായത്ത് യൂണിറ്റ് രക്ഷാധികാരി എസ്. സേതുനാഥ് മലയാലപ്പുഴ നെടുമണ്‍ വാര്‍ഡ് മെമ്പര്‍ അനിതാകുമാരിക്ക് കൈമാറി.
സേവാഭാരതി ജില്ലാ സെക്രട്ടറി ശങ്കര്‍ ജി., യൂണിറ്റ് സെക്രട്ടറി സുജില്‍ കുമാര്‍, ട്രഷറര്‍ രാഗില്‍ രാജ്, ആര്‍എസ്എസ് കാര്യകര്‍ത്താക്കളായ പ്രസാദ്, അരുണ്‍, അങ്കണവാടി അധ്യാപികമാരായ ഷീജ, കുമാരി, സുമതി, ബിജെപി മേഖലാ പ്രവര്‍ത്തകരായ ഷിജു, കോമളന്‍കുമാര്‍, ബിഎംഎസ് സെക്രട്ടറി അനിക്കുട്ടന്‍, സേവാഭാരതി വൈസ് പ്രസിഡന്റ് വിഷ്ണു പങ്കെടുത്തു.
