തിരുവനന്തപുരം: സമൂഹവ്യാപനമെന്ന ആശങ്ക തലയ്ക്ക് മുകളിൽ നിൽകുന്ന അവസ്ഥയെന്ന് മുഖ്യമന്ത്രി പിണറായി വിജയൻ. തിരുവനന്തപുരം കോർപ്പറേഷൻ അടക്കം ഹോട്സ്പോട്ടിലേക്ക് നീങ്ങുന്ന സാഹചര്യമായതിനാൽ സാമൂഹിക അകലം കർശനമായി പാലിക്കാൻ പോലീസ് നടപടിയെടുക്കും.
ബസ് സ്റ്റോപ്പ്, മാർക്കറ്റ് എന്നിവിടങ്ങളിൽ സാമൂഹിക അകലം പരിശോധിക്കാൻ പോലീസ് പട്രോളിംഗ് ഏർപ്പെടുത്തും. ചിലകടകളിൽ വലിയ തിരക്ക് അനുഭവപ്പെടുന്നുണ്ട്. സാമൂഹിക അകലം പാലിക്കാത്ത കടകൾ പിന്നീട് തുറക്കാൻ അനുവദിക്കില്ലെന്നും മുഖ്യമന്ത്രി മുന്നറിയിപ്പ് നൽകി.
