കൊച്ചി : എറണാകുളം ജില്ലയില് കൊറോണ രോഗവ്യാപനം ആശങ്കയില്. കളമശ്ശേരി സിവില് പോലീസ് ഓഫീസര്ക്കും കൊറോണ സ്ഥിരീകരിച്ചു. പെരുമ്പാവൂര് സ്വദേശിക്കാണ് രോഗം സ്ഥിരീകരിച്ചത്. ഇന്സ്റ്റിറ്റിയൂഷന് ക്വാറന്റൈന് ഡ്യൂട്ടിയിലായിരുന്നു ഇയാള്. രോഗലക്ഷണങ്ങളെ തുടര്ന്ന് ഹോം ക്വാറന്റൈനില് കഴിയവേയാണ് രോഗം സ്ഥിരീകരിച്ചിരിക്കുന്നത്.
ഈ മാസം 15നാണ് പോലീസ് ഉദ്യോഗസ്ഥന് രോഗ ലക്ഷണം പ്രകടിപ്പിച്ചത്. ഇതേത്തുടര്ന്ന് സ്രവപരിശോധന നടത്തിയപ്പോഴാണ് രോഗം സ്ഥിരീകരിച്ചത്. ഇദ്ദേഹത്തെ കളമശ്ശേരി കൊറോണ സെന്ററിലേക്ക് മാറ്റി. എന്നാല് എവിടെ നിന്നാണ് ഇദ്ദേഹത്തിന് രോഗം ബാധിച്ചതെന്ന് കണ്ടെത്താനായിട്ടില്ല.
രോഗം സ്ഥിരീകരിച്ച സാഹചര്യത്തില് ജൂണ് 13 ന് ഇയാളോടൊപ്പം ഡ്യൂട്ടിയില് ഉണ്ടായിരുന്ന ആറ് പോലീസുകാരെ നിരീക്ഷണത്തിലേക്ക് മാറ്റും. കളമശ്ശേരി സ്റ്റേഷനില് മുഴുവന് പോലീസുകാര്ക്കും നിലവില് കൊറോണ പരിശോധന നടത്താനാണ് തീരുമാനം.
