കരിന്തളം: മുണ്ടത്തടത്ത് കവളപ്പാറ ആവര്ത്തിക്കരുത് എന്ന മുദ്രാവാക്യവുമായി മുണ്ടത്തടം ക്വാറി വിരുദ്ധ സമര സമിതിയുടെ നേതൃത്വത്തില് കിനാനൂര് കരിന്തളം പഞ്ചായത്ത് ഓഫീസിനു മുന്നില് കവളപ്പാറ ദുരന്തത്തിന്റെ ദൗതികാവശിഷ്ടം നിമജ്ജനം ചെയ്തു.
കവളപ്പാറയില് നിന്നും ക്വാറി വിരുദ്ധ സമിതിക്ക് വേണ്ടി കവളപ്പാറ ദുരന്തത്തില് നിന്ന് രക്ഷപ്പെട്ട ശ്രീകുമാറില് നിന്ന് സമര നായകന് സതീശന് പാടിയില് ഏറ്റുവാങ്ങിയ ഭൗതികാവശിഷ്ടം വട്ടിപ്പുന്ന ക്വാറി അപകടത്തില് മരണപ്പെട്ട മാധവിയുടെ മകന് രഞ്ജിത്ത് പുല്ലുമല കിനാനൂര് കരിന്തളം പഞ്ചായത്ത് ഓഫീസിനു മുന്നില് നിമഞ്ജനം ചെയ്തു.
പ്രതിഷേധ പരിപാടിയില് വി.കെ.വിനയന് മാസ്റ്റര്, ഗോപാലന് മാസ്റ്റര്, പ്രമോദ് വര്ണ്ണം, ടി.എം. ശ്രീധരന്, ഗീതമ്മ.ടി.കെ, അഡ്വ.രാജേന്ദ്രന് എന്നിവര് സംസാരിച്ചു. സാബുസെബാസ്റ്റ്യന് സ്വാഗതവും ജിമ്മി ജോര്ജ് നന്ദിയും പറഞ്ഞു.
