തൊടുപുഴ: സ്വര്‍ഗീയ പി. മാധവ്ജിയുടെ 94-ാം ജന്മദിന അനുസ്മരണവും ക്ഷേത്ര ഭദ്രതാപദ്ധതിയുടെ ഇടുക്കി ജില്ലാതല ഉദ്ഘാടനവും നടന്നു. മുതലിയാര്‍ മഠം ഹരിഹരാമൃതം കല്യാണമണ്ഡപത്തില്‍ നടന്ന ചടങ്ങില്‍ ക്ഷേത്രം മേല്‍ശാന്തി ഭദ്രദീപ പ്രകാശനം നടത്തി.
സമിതി തൊടുപുഴ താലൂക്ക് പ്രസിഡന്റ് മോഹനന്‍ അടിമാലി അദ്ധ്യക്ഷനായ യോഗത്തില്‍ സമിതി ജില്ലാ അദ്ധ്യക്ഷന്‍ ടി.കെ. സുമാര്‍ മുതലിയാര്‍ മഠം ക്ഷേത്രം മാനേജര്‍ക്ക് പൂജാദ്രവ്യങ്ങള്‍ (ദേവനൊരു കിഴി) നല്‍കി ഉദ്ഘാടനം നിര്‍വ്വഹിച്ചു. സമിതി സംസ്ഥാന സെക്രട്ടറി സ്വാമി അയ്യപ്പദാസ് മുഖ്യ പ്രഭാഷണം നടത്തി. ജില്ലാ സമിതിയംഗം പി. അപ്പുക്കുട്ടന്‍, ജില്ലാ ഖജാന്‍ജി ആര്‍. വാസുദേവന്‍ എന്നിവര്‍ സംസാരിച്ചു.
അടിമാലി: ദേവനൊരു കിഴിയും, ഒരു ടിന്‍ എണ്ണയും നൈവേദ്യ വസ്തുക്കളും നല്‍കുന്നതിന്റെ ഭാഗമായുള്ള ചടങ്ങ് അടിമാലിയിലും നടന്നു. ക്ഷേത്ര സംരക്ഷണ സമിതി താലൂക്ക് പ്രസിഡന്റ് കെ.കെ. പരമേശ്വരന്റെ അദ്ധ്യക്ഷതയില്‍ കല്ലമ്പലം ദേവീ-അയ്യപ്പക്ഷേത്രത്തില്‍ നടന്ന പരിപാടി ഡോ. രാജഗോപാല്‍ ഉദ്ഘാടനം ചെയ്തു. ക്ഷേത്ര സംരക്ഷണ സമിതി ജില്ല സെക്രട്ടറി പി.വി. സനല്‍ മുഖ്യ പ്രഭാഷണം നടത്തി. താലൂക്ക് ഖജാന്‍ജി സി.വി. ശിവന്‍, മാതൃസമിതി ജില്ല പ്രസിഡന്റ് കെ.ആര്‍. രാധാമണി എന്നിവര്‍ പങ്കെടുത്തു.
