കട്ടപ്പന: ഉപ്പുത്തറയില് ഡിവൈഎഫ്ഐ അംഗങ്ങള് ബിജെപിയില് ചേര്ന്നു. ഡിവൈഎഫ്ഐ മുന് ഉപ്പുതറ മേഖല ട്രഷര് പട്ടേട്ട് അഖില് ഫിലിപ്, സിപിഎം അംഗമായ ജിജി ജോസഫ് ഉറുമ്പിത്തടം, കോണ്ഗ്രസ് അംഗമായ പി.എ. നിഷാദ് പാറത്തുവീട്ടില് ഇവരുടെ കുടുംബാംഗങ്ങളും ആണ് ബിജെപി അംഗത്വമെടുത്തത്.
ബിജെപി ഉപ്പുതറ പഞ്ചായത്ത് പ്രസിഡന്റ് സന്തോഷ് കൃഷ്ണന് അധ്യക്ഷനായ സ്വീകരണ യോഗം ന്യൂനപക്ഷ മോര്ച്ച ജില്ലാ പ്രസിഡന്റ് അഡ്വ. സ്റ്റീഫന് ഐസക് ഉദ്ഘാടനം ചെയ്തു. സതീഷ് ഓതറ, എന്ടി. വിജയന്, ടി.കെ. രാജു, കെ.കെ. രാജപ്പന്, ടി.ജെ. ജെയിംസ്, കെ.ആര്. രാഹുല്, എ.പി. മോഹനന്, എം.എസ്. ബിജു തുടങ്ങിയവര് സംസാരിച്ചു.
