കല്പ്പറ്റ: ഹോം ക്വാറന്റൈന് ലംഘിച്ച് കറങ്ങിനടന്ന നാല് യുവാക്കൾക്കെതിരെ പോലീസ് കേസെടുത്തു. കര്ണാടകയില് നിന്നെത്തി ഹോം ക്വാറന്റീനില് കഴിയാനുള്ള നിര്ദ്ദേശം യുവാക്കള് ലംഘിക്കുകയായിരുന്നു. സൈബര് സെല്ലിന്റെ ജിയോഫെന്സിങ് സംവിധാനം വഴിയാണ് ഇവര് ഹോം ക്വാറന്റീന് ലംഘിച്ചതായി കണ്ടെത്തിയത് .
മാക്കുറ്റി സ്വദേശി അഴിപ്പുറത്ത് വീട്ടില് നിപു എ. സുരേന്ദ്രന് (27), ചീരാല് സ്വദേശി ദിനേശ് (28), ചെറുമട് സ്വദേശി മരവടവില് വീട്ടില് ജിത്യാ മുകുന്ദ് (28), കുടുക്കി സ്വദേശി നമ്ബ്യാര്വീട്ടില് എ. അക്ഷയ് (21) എന്നിവര്ക്കെതിരെയാണ് ക്വാറന്റീന് ലംഘിച്ചതിന് നൂല്പ്പുഴ പോലീസ് കേസെടുത്തത്.
അതേസമയം, കൊവിഡ്-19 പ്രതിരോധത്തിന്റെ ഭാഗമായി നിരീക്ഷണത്തില് കഴിയുകയായിരുന്ന 209 പേര് നിരീക്ഷണ കാലം പൂര്ത്തിയാക്കി. രോഗം സ്ഥിരീകരിച്ച് 16 പേര് മാനന്തവാടി ജില്ല ആശുപത്രിയിലും രണ്ടുപേര് കോഴിക്കോട് മെഡിക്കല് കോളേജിലുമാണ് ചികിത്സയില് കഴിയുന്നത്.
