കീര്ത്തി സുരേഷ് നായികയാകുന്ന സൈക്കോളജിക്കല് ത്രില്ലര് പെന്ഗ്വിന്റെ ആമസോണിലൂടെ റിലീസ് ചെയ്യു. ഇതിന്റെ ഭാഗമായി നാളെ പെന്ഗ്വിന്റെ ടീസറും പുറത്തുവിടും. ജൂണ് 19ന് ആമസോണ് പ്രൈം വിഡിയോയില് മാത്രമായാണ് ചിത്രം റിലീസ് ചെയ്യപ്പെടുക. തമിഴിലും തെലുങ്കിലും മലയാളത്തില് മൊഴി മാറ്റ ചിത്രമായും സിനിമ ഓണ്ലൈന് റിലീസ് ചെയ്യുക.
കാര്ത്തിക് സുബ്ബരാജും സ്റ്റോണ് ബെഞ്ച് ഫിലിംസും പാഷന് സ്റ്റുഡിയോസും ചേര്ന്നാണ് സിനിമ നിര്മ്മിച്ചിരിക്കുന്നത്. സംവിധായകന് കാര്ത്തിക് സുബ്ബരാജിന്റെ ഉടമസ്ഥതയിലുള്ള സ്റ്റോണ് ബഞ്ച് ഫിലിംസ് നിര്മിക്കുന്ന ചിത്രത്തില് മദംപട്ടി രംഗരാജ്, ലിംഗ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. സന്തോഷ് നാരായണനാണ് സംഗീതം. ഛായാഗ്രഹണം കാര്ത്തിക് പളനി. എഡിറ്റിംഗ് അനില് കൃഷ്.
