കാസര്കോട്: ആദിവാസി കുട്ടികളുടെ ഓണ്ലൈന് വിദ്യാഭ്യാസത്തിലെ അപാകതകള് പരിഹരിക്കുക, പഠനമുറി അനുവദിക്കുക, ആദിവാസി കുട്ടികളോടുള്ള അവഗണന അവസാനിപ്പിക്കുക, ഇനിയൊരു ദേവികയെ സൃഷ്ടിക്കാതിരിക്കുക, മൗലികാവകാശമായ വിദ്യഭ്യാസം നല്കുക തുടങ്ങിയ ആവശ്യങ്ങളുന്നയിച്ച് എസ്ടി മോര്ച്ച ജില്ലാ കമ്മറ്റി കലക്ടറേറ്റ് മാര്ച്ച് നടത്തി.
എസ്ടി മോര്ച്ച ജില്ല അദ്ധ്യക്ഷന് ഈശ്വരനായിക് അദ്ധ്യക്ഷത വഹിച്ചു. ധര്ണ്ണ എസ്ടി മോര്ച്ച സംസ്ഥാന സെക്രട്ടറി ടി.ഡി ഭരതന് ഉദ്ഘാടനം ചെയ്തു. ബീവറേജ് ഔട്ട് ലൈറ്റ് തുറക്കാന് അതിവേഗം ആപ്പുകള് തയ്യാറാക്കിയ സര്ക്കാര് നാളെയുടെ ഭാവി വാഗ്ദാനങ്ങളായ ആദിവാസി കുട്ടികളുടെ വിദ്യഭ്യാസത്തിന് യാതൊരു വിധ മുന്കരുതലുകളും സ്വീകരിക്കാത്ത നടപടിപ്രതിഷേധാര്ഹമാണെന്ന് അദ്ദേഹം പറഞ്ഞു. യോഗത്തില് ബിജെപി ജില്ല സെക്രട്ടറി എന്.സതീഷ്, എസ്ടി മോര്ച്ച ജില്ല ട്രഷറര് എന്.പി.നാരായണന്, ഉദുമ മണ്ഡലം പ്രസിഡണ്ട് ചന്ദ്രന് എന്നിവര് സംസാരിച്ചു.
