മെല്‍ബണ്‍: ആഴ്ചകള്‍ നീണ്ട അഭ്യൂഹങ്ങള്‍ക്ക്് അവസാനമായി. ഇന്ത്യന്‍ ക്രിക്കറ്റ് ടീം ഓസ്‌ട്രേലിയയില്‍ പര്യടനത്തിനെത്തുമെന്ന് ക്രിക്കറ്റ് ഓസ്‌ട്രേലിയ വ്യക്തമാക്കി. ഈ വര്‍ഷം ഒക്‌ടോബറിലാണ് ഇന്ത്യയുടെ പര്യടനം ആരംഭിക്കുക. ഓസ്‌ട്രേലിയക്കെതിരെ ഇന്ത്യ ടി 20, ടെസ്റ്റ്്, ഏകദിന പരമ്പരകള്‍ കളിക്കും.
ക്രിക്കറ്റ് ഓസ്‌ട്രേലിയ ഇന്നലെ വേനല്‍ക്കാല മത്സര പരിപാടികള്‍ പ്രഖ്യാപിച്ചു. ആഗസ്ത് ഒമ്പതിന് സിംബാബവെ പര്യടനത്തോടെ വേനല്‍ക്കാല സീസണ്‍ ആരംഭിക്കുക. ഇന്ത്യയുടെ പര്യടനം മൂന്ന് മത്സരങ്ങളുള്ള ടി 20 പരമ്പരയോടെ ആരംഭിക്കും. ആദ്യ ടി 20 മത്സരം ഒക്ടോബര് പതിനൊന്നിന് ബ്രിസ്‌ബേനില്‍ നടക്കും. മറ്റ് രണ്ട് മത്സരങ്ങള്‍ പതിനാല്, പതിനേഴ് തിയതികളില്‍ അരങ്ങേറും.
ടി 20 പരമ്പരയ്‌ക്ക് ശേഷം നാട്ടിലേക്ക് മടങ്ങുന്ന ഇന്ത്യ ടെസ്റ്റ് പരമ്പരക്കായി ഡിസംബറില്‍ വീണ്ടും എത്തും. ഡിസംബര്‍ മൂന്നിനാണ് ആദ്യ ടെസ്റ്റ്. നാല് ടെ്‌സ്റ്റുകളാണ് പരമ്പരയിലുള്ളത്.ടെസ്റ്റ് പരമ്പരയ്‌ക്ക് ശേഷം മൂന്ന് മത്സരങ്ങളുടെ ഏകദിന പരമ്പരയും അരങ്ങേറും.
സാഹചര്യങ്ങള്‍ നമ്മുടെ നിയന്ത്രണത്തിലല്ലെന്ന് അറിയാം.അതിനാല്‍ മത്സരക്രമത്തില്‍ മാറ്റം പ്രതീക്ഷിക്കാവുന്നതാണ്. ഈ വേനല്‍ക്കാലത്ത്് കൂടുതല്‍ രാജ്യാന്തര മത്സരങ്ങളാണ് ഞങ്ങള്‍ ലക്ഷ്യമിടുന്നതെന്ന് ക്രിക്കറ്റ് ഓസ്‌ട്രേലിയ സിഇഒ കെവിന്‍ റോബര്‍ട്‌സ് പറഞ്ഞു.
ജന്മഭൂമി ഓണ്‍ലൈന്‍