തിരുവനന്തപുരം: മോഹന്ലാലിന്റെ ജന്മദിനത്തില് മരണാനന്തര അവയവദാനം എന്ന ആശയവുമായി ആരാധകര്. മോഹന്ലാല് ഗുഡ് വില് അംബാസഡറായ മൃതസഞ്ജീവനിയിലേയ്ക്കൊണ് അദ്ദേഹത്തിന്റെ അറുപതാം പിറന്നാല് ദിവസമായ വ്യാഴാഴ്ച മോഹന്ലാല് ഫാന്സ് അസോസിയേഷന്റെ നേതൃത്ത്യത്തില് സംസ്ഥാനത്തൊട്ടാകെ പ്രവര്ത്തനം നടക്കുക.
മെയ് 21ന് ഷഷ്ഠിപൂര്ത്തി ആഘോഷിക്കുന്ന താരത്തിന്റെ ജനദിനത്തോട്നുബന്ധിച്ചാണ് ആരാധകര് ഈ സുപ്രധാന തീരുമാനമെടുത്തിരിക്കുന്നത്. സംസ്ഥാന സര്ക്കാരിന്റെ കീഴിലുള്ള മൃതസഞ്ജീവനി നിരവധി പേര്ക്കാണ് പുതുജീവന് നല്കിയത്. മസ്തിഷ്ക മരണാനന്തര അവയവദാനം പ്രോത്സാഹിപ്പിക്കുന്നതിനുള്ള സന്ദേശം എന്ന നിലയ്ക്കാണ് പരിപാടി സംഘടിപ്പിച്ചിരിക്കുന്നത്. വ്യാഴാഴ്ച അവയവങ്ങള് ദാനം ചെയ്യാനുള്ള സമ്മതപത്രത്തില് ലക്ഷക്കണക്കിനുവരുന്ന ആരാധകര് ഒപ്പുവയ്ക്കുമ്പോള് അതൊരു ചരിത്രമുഹൂര്ത്തമായി മാറും.
