കൊച്ചി: എറണാകുളത്ത് സാമൂഹിക അടുക്കളയില് നിന്നും ഭക്ഷണം എത്തുന്നതും കാത്ത് വഴിയരുകില് നിന്നവരുടെ ഇടയിലേക്ക് മിനി വാന് പാഞ്ഞുകയറി നിരവധി പേര്ക്ക് പരിക്കേറ്റു. രണ്ടു പേരുടെ നില ഗുരുതരം. എല്ലാവരെയും എറണാകുളത്തെ ജനറല് ആശുപത്രിയില് പ്രവേശിപ്പിച്ചു.
ഇന്ന് ഉച്ചയോടെയാണ് സംഭവം. എറണാകുളം ടൗണ് ഹാളിനു സമീപം ഭക്ഷണം കാത്തു നിന്നവര്ക്കിടയിലേക്കാണ് കുപ്പിവെള്ളവുമായി ആലുവ ഭാഗത്തു നിന്നും വരികയായിരുന്ന മിനി വാന് നിയന്ത്രണം വിട്ട് പാഞ്ഞുകയറിയത്. അന്യ സംസ്ഥാന തൊഴിലാളികള് അടക്കം നാലു പേര്ക്കും വാഹനത്തിന്റെ ഡ്രൈവര്ക്കുമാണ് അപകടത്തില് പരിക്കേറ്റത്.
പലര്ക്കും മുഖത്തും തലയക്കുമാണ് പരിക്കേറ്റിരിക്കുന്നത്. പരിക്കേറ്റവരില് ഒരാള് സംസാരിക്കാന് കഴിവില്ലാത്തയാളാണെന്ന് രക്ഷാ പ്രവര്ത്തനത്തില് പങ്കെടുത്തയാള് പറഞ്ഞു.
