തൃശൂര്: പരോള് ലഭിക്കാത്തതില് തടവുകാരന് ജയിലിന്റെ കെട്ടിടത്തിനു മുകളില് കയറി പ്രതിഷേധിച്ചു. വിയ്യൂര് സെന്ട്രല് ജയിലില് രാവിലെ 11-ഓടെയായിരുന്നു സംഭവം. റിമാന്റ് തടവുകാരന് ജോയി ആണ് ഓടിട്ട കെട്ടിടത്തിണ് മുകളില് കയറി ഉദ്യോഗസ്ഥരെ വെട്ടിലാക്കിയത്.
കൊറോണ പശ്ചാത്തലത്തില് സാധ്യമായവര്ക്ക് പരോള് നല്കണമെന്ന് ഹൈക്കോടതി നിര്ദേശിച്ചിരുന്നു. ഇതനുസരിച്ചു തനിക് പരോള് ലഭിച്ചില്ലെന്നും പരോള് നിഷേധിച്ചെന്നും ആരോപിച്ചായിരുന്നു പ്രതിഷേധം. സ്ഥലത്തെത്തിയ പോലീസും ഫയര്ഫോഴ്സും ചേര്ന്ന് ലാഡര് ഉപയോഗിച്ച് ഇയാളെ താഴെ ഇറക്കി.
