യാതൊരു വസ്തു യാതൊന്നിനെക്കുറിച്ചു അനുപയോഗിയായി വരുന്നുവോ അതും അതിന്റെഅംഗമാകുന്നു എന്നു പറഞ്ഞാല് അംഗാഗിഭാവത്തിന്നു വ്യവസ്ഥയില്ലെന്നു വന്നുപോകുമല്ലോ……..കേരളത്തിങ്കല് ഒരു വിവാഹം നടക്കേണമെങ്കില് സ്ത്രീപുരുഷന്മാരുടെ ജാതകങ്ങളെ പരീക്ഷിച്ചിട്ടു വേണമെന്നൊരു നിയമം ഇന്നും നടന്നു വരുന്നു. വിവാഹമെന്നതു വേദോക്തമായൊരു കര്മ്മമാകുന്നു. ഇങ്ങനെ ജാതകശാസ്ത്രത്തിനും വേദാംഗത്വത്തെ സാധിക്കാമെന്നു ചിലര്ക്കു
ഭവിക്കാവുന്നതായ അന്യഥാബുദ്ധിവശാല് മേല്സ്ഥാപിക്കപ്പെട്ടതിനെപ്പറ്റി അങ്ങനെയുള്ളവര് ദോഷത്തെ കല്പ്പിക്കും. ഇതിനെ പരിഹരിപ്പാനായിക്കൊണ്ട് കുറച്ചു ഞാന് പറയുന്നു. മേല്പ്പറഞ്ഞ നിയമം വിധിബലാല് നടന്നു വരുന്നതല്ല. ജാതകപരീക്ഷ ചെയ്തിട്ടു വേണം വേളി കഴിപ്പാന് എന്നതു വേദങ്ങളില് എവിടെ അന്വേഷിച്ചാലും അതുകളില്നിന്നും ദുര്ല്ലഭമാകുന്നു. ഗൃഹ്യകാരന്മാര്ക്കു ജാതകപരീക്ഷയെക്കുറിച്ചുള്ള ആവശ്യകതാബുദ്ധി ഉണ്ടായിട്ടില്ലെന്നത് അവരുടെ ശബ്ദനിബന്ധനത്തിങ്കല് പരിചയമുള്ളവര്ക്കു സുഗമമാകുന്നു. ജാതകപരീക്ഷയ്ക്കു ആവശ്യകത്വമുണ്ടായിരുന്നാല് അതുകൊണ്ടുതന്നെ ഗുണദോഷഗ്രഹണം ഭവിക്കുന്നതായി വരുന്നു. ആ അവസ്ഥയ്ക്ക് ആശ്വലായനഗൃഹ്യത്തില് വിധിയ്ക്കപ്പെട്ട മൃത്
പിണ്ഡപരീക്ഷയ്ക്ക് അത്യാവശ്യകത ഇല്ല എന്നൊരു ശൈഥില്യം വരുന്നതാകയാല് ജാതകാപേക്ഷ ഇല്ല എന്നാകുന്നു ആശ്വലായനമതമെന്നു കല്പ്പിക്കാം. ആപസ്തംബമുനിയുടെ മതം, യാവളൊരുത്തിയില് മനോനയനങ്ങള്ക്കു സക്തി ഭവിക്കുന്നുവോ അവള് തന്നേക്കുറിച്ചു സമാനയായിരുന്നാല് അവളെ വേള്ക്കാമെന്നാകുന്നു…….അതു ഹേതുവായിട്ടു വിവാഹമെന്ന വൈദികകര്മ്മത്തെക്കുറിച്ചും ജാതകശാസ്ത്രം കൊണ്ട് ഉപയോഗമില്ല എന്നതു സിദ്ധമായി.
ജന്മഭൂമി ഓണ്ലൈന്