കടയ്ക്കല്: കൊവിഡ് വൈറസ് വ്യാപകമായ ദല്ഹിയിലെ നിസാമുദീനില് തബ്ലീഗ് മതസമ്മേളനത്തില് പങ്കെടുത്ത കടയ്ക്കല് സ്വദേശിയെ ഹോം ക്വാറന്റീലാക്കി. കടയ്ക്കല് ചിതറ സ്വദേശി നാസറുദീന് ഹാജിയാണ് അടുത്തിടെ ദല്ഹിയില് നിന്ന് മതസമ്മേളനം കഴിഞ്ഞ് മടങ്ങിയെത്തിയത്.
ഇതിനിടയിലാണ് നിസാമുദീനില് തങ്ങിയിരുന്ന മതവിശ്വാസികള്ക്ക് വ്യാപകമായി കോവിഡ് സ്ഥിരീകരിച്ചത്. ഇതിനെ തുടര്ന്ന് നിസാമുദീനില് നിന്നെത്തിയവരുടെ വിവരം ശേഖരിച്ചതില് നിന്നുമാണ് നാസറുദീന് ഹാജിയുടെ വിവരം അധികൃതര് അറിഞ്ഞത്.
ഇതുവരെ ഇയാള് മറച്ചുവച്ചിരിക്കുകയായിരുന്നു. നിസാമുദീനില് മര്ക്കസ് സമ്മേളനത്തില് കോവിഡ് ബാധിച്ച വിവിധ രാജ്യങ്ങളിലുള്ളവരുണ്ടായിരുന്നു. രാജ്യത്ത് നിയന്ത്രണമുണ്ടായിരുന്നപ്പോഴും ഇവിടെ സമ്മേളനം നടന്നിരുന്നു.
