തിരുവനന്തപുരം: ശ്രീചിത്ര ആശുപത്രിയിലെ ഡോക്ടര്ക്ക് കോവിഡ് സ്ഥിരീകരിച്ചു. ഡോക്ടര്ക്ക് കോവിഡ് സ്ഥിരീകരിച്ചതോടെ ആശുപത്രിയില് വന് പ്രതിസന്ധിയാണ് നേരിടുന്നത്. രോഗബാധിതനായ ഡോക്ടറുടെ കൂടെ ജോലിചെയ്ത 25 ഡോക്ടര്മാരെ വീട്ടില നിരീക്ഷിക്കാന് നിര്ദേശം നല്കി. തുടര്ന്ന് ആശുപത്രിയിലെ ശസ്ത്രക്രിയകള് നിര്ത്തി വെച്ചു. അഞ്ച് വിഭാഗങ്ങളിലെ ഡോക്ടര്മാരോട് അവധിയില് പോകാനും നിര്ദ്ദേശം നല്കിയിട്ടുണ്ട്.
ഇന്നലെ കോവിഡ് സ്ഥിരീകരിച്ച ഡോക്ടര് വന്ന വഴിയുടെ റൂട്ട് മാപ്പ് ഇന്ന് പുറത്തുവിട്ടേക്കും. സ്പെയിനില് നിന്നും ഡോക്ടര് മടങ്ങിയെത്തിയ ശേഷം ഇടപഴകിയ ആശുപത്രിയിലെ ജീവനക്കാരെയും നിരീക്ഷിക്കുകയാണ്. തിരുവനന്തപുരത്ത് 162 പേരെ കൂടി നിരീക്ഷണത്തിലാക്കിയിട്ടുണ്ട്.
