ന്യൂദല്ഹി: കരസേന ഉന്നത പദവികളില് വനിതാ ഓഫീസര്മാരെ നിയമിക്കാനുള്ള ഉത്തരവ് സ്വാഗതം ചെയ്ത് കരസേനാ മേധാവി ജനറല് എംഎം നരവനെ. സുപ്രീംകോടതി വിധിയുടെ അടിസ്ഥാനത്തില് കൂടുതല് വ്യക്തതയോടെ നടപടി സ്വീകരിക്കുമെന്നും അദ്ദേഹം അറിയിച്ചു.
1993 മുതല് തന്നെ വനിത ഓഫീസര്മാരെ സേനയില് നിയമിച്ചുവരുന്നുണ്ട്. ഉത്തരവ് നടപ്പാക്കാനുള്ള നടപടി തുടങ്ങിക്കഴിഞ്ഞു. സുപ്രീംകോടതി വിധിയുടെ അടിസ്ഥാനത്തില് എല്ലാ വനിതാ ഓഫീസര്മാര്ക്കും കത്തയക്കുമെന്നും അദ്ദേഹം അറിയിച്ചു. ജാതിയുടേയോ, മതത്തിന്റെയോ, വര്ഗ്ഗത്തിന്റെയോ, ലിംഗത്തിന്റെയോ പേരിലുള്ള വിവേചനം സൈന്യത്തില് ഇല്ലെന്നും നരവനെ കൂട്ടിച്ചേര്ത്തു.
