മലപ്പുറം: പൗരത്വ നിയമ ഭേദഗതിക്കെതിരെ എല്ഡിഎഫിന്റെ യോഗത്തില് പങ്കെടുത്തതിന് സസ്പെന്ഷനിലായ ലീഗ് നേതാവ് വീണ്ടും ഇടത് വേദിയില്. മുസ്ലിം ലീഗ് ബേപ്പൂര് മണ്ഡലം പ്രസിഡന്റ് കെ.എ.ബഷീറാണ് സസ്പെന്ഷന് ലഭിച്ചിച്ചിട്ടും വീണ്ടും ഇടതിനൊപ്പം വേദി പങ്കിട്ടത്. എല്ഡിഎഫിന്റെ ഘടകക്ഷിയായ ഐഎന്എല് സംസ്ഥാന പ്രസിഡന്റ് എ.പി. അബ്ദുള് വഹാബ് സിഎഎയ്ക്ക് എതിരെ നടത്തുന്ന ഏകദിന ഉപവാസ സമരത്തിലാണ് ബഷീര് പങ്കെടുക്കുത്തത്. ഇതോടെ ബഷീറിനെതിരെ കര്ശ്ശന നടപടി വേണമെന്ന് ലീഗ് പ്രവര്ത്തകര് ശക്തമായി ആവശ്യപ്പെട്ടിട്ടുണ്ട്.
റിപ്പബ്ലിക് ദിനത്തില് എല്ഡിഎഫ് സംഘടിപ്പിച്ച മനുഷ്യ മഹാശ്യംഖലയില് പങ്കെടുത്തതും ലീഗിനെയും യുഡിഎഫിനെയും വിമര്ശിച്ചതുമാണ് കെ.എം. ബഷീറിനെ സസ്പെന്ഡ് ചെയ്തത്. അന്വേഷണ വിധേയമായി സസ്പെന്ഡ് ചെയ്യുന്നതായി മുഖപത്രത്തിലൂടെയാണ് മുസ്ലിം ലീഗ് സംസ്ഥാന കമ്മിറ്റി അറിയിച്ചത്. അച്ചടക്ക നടപടിയുടെ ഭാഗമായാണ് ഇതെന്നും ലീഗ് അറിയിച്ചിട്ടുണ്ട്.
അതേസമയം സമരങ്ങളില് രാഷ്ട്രീയം നോക്കാതെ പങ്കെടുക്കുമെന്നും യുഡിഎഫ് നടത്തുന്ന മനുഷ്യ ഭൂപടത്തിലും പങ്കെടുക്കുമെന്ന് ബഷീര് പറഞ്ഞു. വൈകിയായാലും പാര്ട്ടി തന്നെ മനസ്സിലാക്കുമെന്നാണ് പ്രതീക്ഷിക്കുന്നത്. പാര്ട്ടി മാറുന്നതിനെ കുറിച്ച് നിലവില് ചിന്തിക്കുന്നില്ലെന്നും ബഷീര് വ്യക്തമാക്കി.
