കൊല്ലം: ഇടവപ്പാതി ഇടവിട്ട് പെയ്യുന്നുണ്ടെങ്കിലും സംസ്ഥാനത്ത് മഴയ്ക്ക് 27 ശതമാനത്തിന്റെ കുറവ്. കേന്ദ്ര അന്തരീക്ഷ ശാസ്ത്രകേന്ദ്രത്തിന്റെ കണക്ക് പ്രകാരം ജൂണ് 1 മുതല് ഇന്നലെ വരെ 891.9 മി.മീ. മഴ ലഭിക്കേണ്ട സ്ഥാനത്ത് കിട്ടിയത് 653 മി.മീ. മാത്രം.
വയനാട് ജില്ലയിലാണ് മഴ ഏറ്റവും കുറഞ്ഞത്, 55 ശതമാനം. കോഴിക്കോട് 26 ശതമാനവും പത്തനംതിട്ടയില് എട്ട് ശതമാനം മഴ കൂടി. ഇടുക്കി-52, കൊല്ലം, തൃശ്ശൂര്-29, കാസര്ഗോഡ്-26, കണ്ണൂര്, എറണാകുളം-23 ശതമാനം വീതം മഴ കുറഞ്ഞു. ഗുജറാത്ത് തീരം മുതല് മഹാരാഷ്ട്ര തീരം വരെയുണ്ടായിരുന്ന തീരദേശ ന്യൂനമര്ദ പാത്തി ദുര്ബലമായതാണ് മഴ കുറയാന് കാരണം. ഇന്നലെ മുതല് മഴയുടെ ശക്തി കുറയാന് സാധ്യതയെന്ന് കേന്ദ്ര കാലാവസ്ഥ വകുപ്പ് വ്യക്തമാക്കിയിരുന്നു. കഴിഞ്ഞ ദിവസങ്ങളില് പരക്കെ മഴ ലഭിച്ചെങ്കിലും നിലവില് ഒരു ജില്ലയിലും പ്രത്യേക മഴ മുന്നറിയിപ്പില്ല. ചൊവ്വാഴ്ച വരെ കേരളത്തില് വലിയ മഴയ്ക്ക് സാധ്യതയില്ലെന്നും നേരിയതോ ഇടത്തരമോ ആയ മഴ മാത്രമേ പ്രതീക്ഷിക്കേണ്ടതുള്ളൂ എന്നും കാലാവസ്ഥാ നിരീക്ഷകര് വ്യക്തമാക്കുന്നു. നിലവില് തെലങ്കാന മുതല് മധ്യ കിഴക്കന് അറബിക്കടല് വരെ ഒരു ന്യൂനമര്ദ പാത്തിയും, മധ്യ ഉത്തര്പ്രദേശിന് മുകളിലായി ഒരു ന്യൂനമര്ദ്ദ മേഖലയും നിലനില്ക്കുന്നുണ്ടെങ്കിലും ഇവ വരും മണിക്കൂറുകളില് കൂടുതല് ദുര്ബലമാകുമെന്നാണ് റിപ്പോര്ട്ട്.
എല്ലാ ജില്ലകളിലും ഒറ്റപ്പെട്ട ഇടങ്ങളില് നേരിയതോ മിതമായതോ ആയ മഴ പെയ്തേക്കാം.
മണിക്കൂറില് 40 കിലോമീറ്റര് വരെ വേഗതയുള്ള ശക്തമായ കാറ്റിന് സാധ്യതയുണ്ട്. മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റ് വീശിയടിക്കാന് സാധ്യതയുള്ളതിനാല് തീരദേശവാസികളും പൊതുജനങ്ങളും ആവശ്യമായ മുന്കരുതലുകള് സ്വീകരിക്കണം.
ജന്മഭൂമി ഓണ്ലൈന്