ന്യൂദല്ഹി: യമുനാ നദി ശുദ്ധീകരിച്ചെന്ന് വാദിക്കുന്ന എഎപിക്ക് കനത്ത തിരിച്ചടിയേകി കേന്ദ്ര ആഭ്യന്തരമന്ത്രി അമിത് ഷായുടെ വെല്ലുവിളി. നദി ശുദ്ധീകരിച്ചെന്ന് പറയുന്ന അരവിന്ദ് കേജ്രിവാള് ധൈര്യമുണ്ടെങ്കില് കുപ്പായമൂരി യമുനാ നദിയില് മുങ്ങി വരാനാണ് അമിത് ഷാ വെല്ലുവിളിച്ചത്. നജഫ്ഗഢിലെ തെരഞ്ഞെടുപ്പ് റാലിയില് സംസാരിക്കുകയായിരുന്നു അമിത് ഷാ.
ദല്ഹി സര്ക്കാര് നദിയുടെ ശുദ്ധീകരണത്തിനായി ഒന്നും ചെയ്തില്ലെന്നും യമുനയെ അവഗണിക്കുകയാണ്. നദിയിലെ ജലത്തിന്റെ അവസ്ഥയെ കുറിച്ച് യുമനയില് മുങ്ങി നിവരുമ്പോള് കേജ്രിവാളിന് ബോധ്യപ്പെടുമെന്നും അദ്ദേഹം വിമര്ശിച്ചു.
ദല്ഹിലെ മലിനീകരണത്തിന് ആരെങ്കിലും ഉത്തരവാദികളാണെങ്കില് അത് കേജ്രിവാള് സര്ക്കാറാണെന്നും ഷാ കുറ്റപ്പെടുത്തി. ദല്ഹിലെ റോഡുകള് യൂറോപ്യന് നിലവാരത്തിലാക്കുമെന്ന് കേജ്രിവാള് പറഞ്ഞെങ്കിലും നിറയെ കുഴികളാണെന്നും അമിത് ഷാ പരിഹസിച്ചു.
ദല്ഹിയിലെ റോഡുകള് അന്താരാഷ്ട്ര നിലവാരത്തിലാക്കുമെന്നും അടിസ്ഥാന സൗകര്യവികസനത്തിന് സര്ക്കാര് കൂടുതല് ഫണ്ട് അനുവദിക്കുമെന്നും അദ്ദേഹം വ്യക്തമാക്കി. യമുന ശുദ്ധീകരിക്കുന്നതിനുള്ള ഫണ്ട് സംസ്ഥാന സര്ക്കാറിന് കൈമാറും. മെട്രോ റെയില് നഗരത്തില് കൂടുതല് വ്യാപിപ്പിക്കുമെന്നും അമിത് ഷാ വാഗ്ദാനം നല്കി.
