പഞ്ചാബ്: വിഐപി ബോര്‍ഡുകള്‍ പേറി ഹോര്‍ണ്‍ അടിച്ച് ചീറിപായുന്ന രീതികള്‍ക്ക് ബ്രേക്കിട്ട് പഞ്ചാബ് ഹരിയാന ഹൈക്കോടതി. സര്‍ക്കാര്‍, സര്‍ക്കാരിതര വാഹനങ്ങളിലും പദവികള്‍, തൊഴിലുകള്‍, സംഘടനകള്‍, സെലിബ്രിറ്റി പദവിയുടെ മറ്റ് ചിഹ്നങ്ങള്‍ എന്നിവ പ്രദര്‍ശിപ്പിക്കുന്നത് നിരോധിച്ചതായി ഉത്തരവ്. ജുഡീഷ്യല്‍ ഓഫീസര്‍മാരുടെ വാഹനങ്ങള്‍ക്ക് ഈ ഉത്തരവ് ബാധാകമാണെന്ന്.
ഹൈക്കോടതി ഡിവിഷന്‍ ബെഞ്ച് പുറപ്പെടുവിച്ച ഉത്തര പ്രകാരം ആര്‍മി, നേവി, പ്രസ്, ചെയര്‍മാന്‍, വൈസ് ചെയര്‍മാന്‍, കോടതി, എക്‌സിക്യൂട്ടീവ് ഓഫീസര്‍മാര്‍ എന്നിങ്ങനെ പ്രത്യേക ചുമതലകള്‍ പ്രദര്‍ശിപ്പിക്കുന്ന സ്റ്റിക്കറുകള്‍ വാഹനങ്ങളില്‍ നിന്ന് നീക്കംചെയ്യും. രക്ഷാപ്രവര്‍ത്തനത്തിനായി ഉപയോഗിക്കുന്ന ആംബുലന്‍സുകള്‍, ഫയര്‍ എഞ്ചിനുകള്‍, മറ്റ് വാഹനങ്ങള്‍ എന്നിവയ്‌ക്ക് മാത്രമേ ഇളവ് അനുവദിച്ചിട്ടുള്ളൂ. ഉത്തവ് നടപ്പാക്കാനായി 72 മണിക്കൂര്‍ സമയപരിധി ഹൈക്കോടതി നിശ്ചയിച്ചിട്ടുണ്ട്.
ജസ്റ്റിസ് രാജീവ് ശര്‍മ, ജസ്റ്റിസ് അമോല്‍ റട്ടന്‍ സിംഗ് എന്നിവരടങ്ങിയ ബെഞ്ചാണ് ഉത്തരവ് പുറപ്പെടുവിച്ചത്. ഉത്തരവ് നടപ്പാക്കുന്നത് ഹൈക്കോടതിയില്‍ നിന്നുതന്നെ ആരംഭിക്കുമെന്ന് വ്യക്തമാക്കിയ ജസ്റ്റിസ് വാദം കേള്‍ക്കുന്നതിനിടെ കോടതി ഉദ്യോഗസ്ഥരോട് നിര്‍ദ്ദേശത്തിന് വിരുദ്ധമായി എന്തെങ്ങിലും പ്രദര്‍ശിപ്പിച്ചിട്ടുണ്ടെങ്ങില്‍ അതെല്ലാം ഹൈക്കോടതി വാഹനങ്ങളില്‍ നിന്ന് നീക്കംചെയ്യണമെന്നും അവശ്യപ്പെട്ടു. വിവിഐപി വാഹനങ്ങള്‍ സഞ്ചരിക്കുമ്പോള്‍ ആംബുലന്‍സുകള്‍ക്കും സ്‌കൂള്‍ ബസുകള്‍ക്കും പോകാനുള്ള അവകാശം ബെഞ്ച് നല്‍കി.
