തിരുവനന്തപുരം: മിനിമം ബസ് ചാര്ജ് 10 രൂപയാക്കുക, വിദ്യാര്ത്ഥികളുടെ യാത്രാ നിരക്ക് വര്ധിപ്പിക്കുക തുടങ്ങിയ ആവശ്യങ്ങള് ഉന്നയിച്ച് ഫെബ്രുവരി നാല് മുതല് അനിശ്ചിതകാല സ്വകാര്യ ബസ് സമരം പ്രഖ്യാപിച്ചു. സംയുക്തസമരസമിതിയാണ് ബസ് സമരം പ്രഖ്യാപിച്ചിരിക്കുന്നത്. വിദ്യാര്ത്ഥികളുടെ യാത്രാ നിരക്ക് ഒരു രൂപയില് നിന്ന് അഞ്ച് രൂപയാക്കി വര്ധിപ്പിക്കണമെന്നാണ് ആവശ്യം .
സ്വാശ്രയ കോളേജ് വിദ്യാര്ത്ഥികള്ക്ക് കണ്സെഷന് അനുവദിക്കില്ലെന്നും , കണ്സെഷന് നല്കുന്നതിനുള്ള മാനദണ്ഡം പുതുക്കണമെന്നും ആവശ്യമുന്നയിച്ചിട്ടുണ്ട്. വിഷയത്തില് സര്ക്കാര് ചര്ച്ചയ്ക്ക് പോലും തയ്യാറാകുന്നില്ലെന്ന് സംയുക്തസമരസമിതി ആരോപിക്കുന്നു.
