തിരുവനന്തപുരം: മാധ്യമപ്രവർത്തകനെ ഭീഷണിപ്പെടുത്തിയെന്ന പരാതിയിന്മേൽ മുൻ പോലീസ് മേധാവി ടി.പി സെൻകുമാറിനെതിരെ പോലീസ് കേസെടുത്തു. കന്റോൺമെന്റ് പോലീസാണ് കേസെടുത്തത്. സെൻകുമാറിനെ കൂടാതെ സുഭാഷ് വാസു ഉൾപ്പടെ എട്ട് പേർക്കെതിരെയാണ് കേസ്.
സുഭാഷ് വാസുവുമൊത്ത് തിരുവനന്തപുരം പ്രസ്ക്ലബിൽ നടത്തിയ വാർത്താസമ്മേളനത്തിനിടെയാണ് പരാതിയ്ക്കിടെയായ സംഭവം. മാധ്യമപ്രവർത്തകനായ കടവിൽ റഷീദ് ചോദ്യം ചോദിച്ചപ്പോൽ സെൻകുമാർ ഭീഷണിപ്പെടുത്തിയെന്നും കൂടെയുണ്ടായിരുന്നവർ കയ്യേറ്റത്തിന് ശ്രമിച്ചുവെന്നുമാണ് പരാതിയിൽ പറയുന്നു. മാധ്യമപ്രവർത്തകൻ നൽകിയ പരാതി കോടതിക്ക് കൈമാറിയിരുന്നു. കോടതി അനുമതിയോടെയാണ് പോലീസ് കേസെടുത്തത്.
മാധ്യമപ്രവർത്തകനെതിരെ സെൻകുമാർ നൽകിയ പരാതിയും കോടതിയിൽ സമർപ്പിച്ചിരിക്കുകയാണ്.
