കോട്ടയം : വാഗമണ്ണില് വീണ്ടും ഭീകരരുടെ സാന്നിധ്യമുള്ളതായി റിപ്പോര്ട്ട്. നേരത്തെ സിമി ക്യാമ്പ് നടന്നതിന്റെ സമീപത്തായാണ് തീവ്രവാദി സംഘത്തെ വീണ്ടും കണ്ടെത്തിയിരിക്കുന്നത്. കഴിഞ്ഞ ഡിസംബര് 17 നാണ് സിമി ക്യാമ്പിന് സമീപം ഏഴു പേരടങ്ങുന്ന കര്ണ്ണാടകയില് നിന്നുള്ള സംഘം വാഗമണ്ണില് എത്തിയതെന്നും പോലീസ് അറിയിച്ചു.
പുലര്ച്ചെ രണ്ടരയോടെ കെഎ 05 എജി 2668 എന്ന നമ്പരിലുള്ള ടോയോട്ട എത്തിയോസ് കാറിലാണ് സംഘം എത്തിയത്. സിമി ക്യാമ്പിന് സമീപം വാഹനം തകരാറില് ആയ നിലയിലാണ് ഇത് കണ്ടെത്തിയത്. തുടര്ന്ന് സമീപ വാസികള് അറിയിച്ചതിനെ തുടര്ന്ന് പോലീസ് സ്ഥലത്ത് എത്തിയെങ്കിലും ഇവര് വാഹനവുമായി രക്ഷപ്പെട്ടുകഴിഞ്ഞു.
സമീപത്തെ മുസ്ലിം പള്ളിയില് നിസ്കരിക്കാന് എത്തിയതാണ് എന്നാണ് കര്ണ്ണാടക സ്വദേശികള് നാട്ടുകാരെ അറിയിച്ചത്. എന്നാല് ഹിന്ദി സംസാരിക്കുന്ന സംഘം പള്ളിയില് എത്തിയിട്ടില്ലന്ന് പോലീസ് സ്ഥിരികരിച്ചിട്ടുണ്ട്. കൂടാതെ കര്ണ്ണാടകയിലെ ഒരു ലോറിയുടെ നമ്പറാണ് ഇവര് ഉപയോഗിച്ച വാഹനത്തിന്റേതെന്നും പോലീസ് കണ്ടെത്തിയിട്ടുണ്ട്. ഇതുമായി ബന്ധപ്പെട്ട വിശദമായ റിപ്പോര്ട്ട് ഡിജിപിക്കും എന്ഐഎയ്ക്കും പോലീസ് കൈമാറിയിട്ടുണ്ട്.
മുമ്പ് വാഗമണ്ണില് സിമി ക്യാമ്പ് നടന്നപ്പോള് സഹായിച്ചവര് ഇടുക്കി കാഞ്ഞാര് സ്വദേശികളാണെന്ന് എന്ഐഐ കണ്ടത്തിയിരുന്നു. ഇവരുമായി ഈ സംഘത്തിന് ബന്ധമുണ്ടോയെന്ന് പോലീസ് അന്വേഷിച്ചു വരികയാണ്. കേരളത്തില് വനമേഖലകള് കേന്ദ്രീകരിച്ച് തീവ്രവാദ സംഘത്തിന്റെ പ്രവര്ത്തനം സജീവമാണെന്ന് കേന്ദ്ര ഇന്റലിജന്സ് നേരത്തെ തന്നെ സംസ്ഥാനത്തിന് മുന്നറിയിപ്പ് നല്കിയിട്ടുള്ളതാണ്.
