കൊച്ചി: മലയാളിക്ക് ബീഫിനോടുള്ള പ്രിയം കുറയുന്നുവെന്നുവെന്നും ഇഷ്ടഭക്ഷണമായി പോര്ക്ക് മാറുന്നുവെന്നും സര്വേ ഫലം. അനിമല് ഹസ്ബന്ഡറി ആന്ഡ് ഡയറിയിംഗ് വകുപ്പിന്റെ സര്വേയിലാണ് ഇക്കാര്യം വ്യക്തമായത്. കഴിഞ്ഞ വര്ഷത്തെ കണക്കനുസരിച്ച് 2.57 ലക്ഷം ടണ് ബീഫാണ് മലയാളികള് അകത്താക്കിയതെങ്കില് ഇപ്രാവശ്യം അത് 2.49തായി കുറഞ്ഞു. പോര്ക്കിന്റെ കാര്യത്തില് ഇത് കഴിഞ്ഞവര്ഷം 6,880 ടണ്ണും ഇപ്രാവശ്യം 7110 ടണ്ണുമാണ്.
ഇതിനിടെ ശബരിമല മകരവിളക്ക് ദിവസം കേരള ടൂറിസത്തിന്റെ ഔദ്യോഗിക ട്വിറ്റര് പേജില് ബീഫ് ഉലത്തിയതിന്റെ രുചിക്കൂട്ട് പോസ്റ്റ് ചെയ്തതിനെ പ്രതിഷേധം ഉയര്ന്നിരുന്നു. മധ്യതിരുവിതാംകൂറിലെ പ്രശസ്തമായ മാംസ വിഭവമാണെന്ന അടിക്കുറിപ്പോടെയാണു കേരള ടൂറിസം ഡോട്ട് ഒആര്ജിയില് പാചകരീതി പ്രസിദ്ധീകരിച്ചത്. ട്വീറ്റ് പ്രത്യക്ഷപ്പെട്ടതോടെ സംസ്ഥാനത്തിന് പുറത്തു നിന്നുള്ളവര് വരെ ശക്തമായി പ്രതികരിച്ചു. ഉടന് തന്നെ മന്ത്രി കടകം പള്ളി സുരേന്ദ്രന് ഇതിനെ ന്യായീകരിച്ച് രംഗത്ത് വരുകയും ചെയ്തു. മകരവിളക്ക് ദിവസം ഇടതു സര്ക്കാരില് നിന്നും ഇത്തരത്തിലൊരു നടപടി ഉണ്ടായത് സംശയത്തോടെയാണ് പലരും കണ്ടത്. സംസ്ഥാന സര്ക്കാരിനെതിരെ നിരവധി പേര് പ്രതിഷേധ പ്രതികരണങ്ങള് ഉന്നയിച്ചു. ഈദിനു പോര്ക്ക് ഫ്രൈയുടെ റെസിപ്പി കൂടി ഇടണമെന്നു ചിലര് പോസ്റ്റ് ചെയ്യണമെന്നും ആവശ്യപ്പെട്ടിരുന്നു.
ഏറെ വര്ഷങ്ങള്ക്ക് ശേഷമാണ് ബീഫിന്റെ കാര്യത്തില് ഇങ്ങനെയൊരു കുറവ് സംഭവിച്ചതെന്നും സര്വേയില് ചൂണ്ടിക്കാട്ടുന്നു. മറ്റ് മാംസാഹാരങ്ങളായ ചിക്കന്, മട്ടന് എന്നിവയോടും മലയാളികള്ക്കുള്ള താത്പര്യം താരതമ്യേന താഴേക്കാണെന്നും(4.69 ലക്ഷം ടണ്ണില് നിന്നും 4.57ലേക്ക്) സര്വേ ഫലത്തില് പറയുന്നുണ്ട്.
