കോഴിക്കോട്: പൗരത്വ നിയമ ഭേദഗതിയില് സുപ്രീംകോടതിയില് സൂട്ട് ഹര്ജി നല്കിയ സംസ്ഥാന സര്ക്കാരിനെ പരിഹസിച്ച് ബിജെപി സംസ്ഥാന ജനറല് സെക്രട്ടറി കെ. സുരേന്ദ്രന്. നിയമപരമായി നിലനില്പ്പില്ലാത്ത ആവശ്യത്തിന് ജനങ്ങളുടെ നികുതിപണം ദുര്വ്യയം ചെയ്യുന്നതിലൂടെ മുഖ്യമന്ത്രി പിണറായി വിജയന് വിഡ്ഢികളുടെ സ്വര്ഗ്ഗത്തിലാണ് ജീവിക്കുന്നതെന്ന് തെളിയിച്ചിരിക്കുകയാണ്. പാര്ലമെന്റ് പാസ്സാക്കിയ നിയമത്തിനെതിരെ നിയമസഭയില് പാസ്സാക്കിയ പ്രമേയത്തിന് പോലും ഒരു വിലയുമില്ലെന്ന് അത് പാസ്സാക്കാന് കൂട്ടുനിന്ന പാര്ട്ടിയുടെ അധ്യക്ഷന് തന്നെ തുറന്നു പറഞ്ഞിട്ടുണ്ടെന്നും സുരേന്ദ്രന് വ്യക്തമാക്കി.
ഫെയ്സ്ബുക്ക് പോസ്റ്റിന്റെ പൂര്ണരൂപം:-
ജനങ്ങളുടെ പണമെടുത്ത് നിയമപരമായി നിലനില്പില്ലാത്ത ആവശ്യവുമായി സുപ്രീംകോടതിയില് പോകുന്ന പിണറായി വിജയന് വിഡ്ഡികളുടെ സ്വര്ഗ്ഗത്തിലാണ് ജീവിക്കുന്നത്. പാര്ലമെന്റ് പാസ്സാക്കിയ നിയമത്തിനെതിരെ നിയമസഭയില് പാസ്സാക്കിയ പ്രമേയത്തിന് പോലും ഒരു വിലയുമില്ലെന്ന് അത് പാസ്സാക്കാന് കൂട്ടുനിന്ന പാര്ട്ടിയുടെ അധ്യക്ഷന് തന്നെ തുറന്നു പറഞ്ഞിട്ടുണ്ട്. നിയമസഭാസമ്മേളനത്തിനും ചെലവായി ലക്ഷങ്ങള്. കേരളസര്ക്കാരിന് നിയമത്തിന്റെ ബാലപാഠമറിയുന്ന ഒരു ഉപദേശകന് പോലുമില്ലേ? മുസ്ളീം വോട്ടുബാങ്കിനെ അപ്പാടെ മുന്നണിയിലെത്തിക്കാന് തെരുവില് കാണിക്കുന്ന അഭ്യാസങ്ങളൊന്നും പോരാത്തതുകൊണ്ടാണോ നികുതിപ്പണമെടുത്ത് ദുര്വ്യയം ചെയ്യുന്ന ഈ വിലകുറഞ്ഞ നടപടി? ഇത്തരം വങ്കത്തരങ്ങള്ക്ക് ജനങ്ങളുടെ പണം ചെലവഴിക്കുന്നതിനുപകരം പാര്ട്ടി ഫണ്ടില്നിന്ന് പണമെടുത്ത് ചെലവഴിക്കുകയാണ് വേണ്ടത്.
