നാലാം ദൗത്യവും വിജയം; അവസാന സയറണ്‍ മുഴക്കി ഗോള്‍ഡന്‍ കായലോരവും തകര്‍ത്തു

കൊച്ചി : ഗോള്‍ഡന്‍ കാലയലോരവും തകര്‍ത്ത് തരിപ്പണമാക്കി. തീരദേശ നിയമം ലംഘിച്ച് നിര്‍മിച്ച ഫ്‌ളാറ്റുകള്‍ പൊളിച്ചു നീക്കാനുള്ള സുപ്രീംകോടതിയുടെ ഉത്തരവ് ഇതോടെ വിജയകരമായി പൂര്‍ത്തിയാക്കാനായി 2.29 ഓടെ ഫ്‌ളാറ്റ് പൊളിക്കുന്നതിനുള്ള അവസാന സയറണും മുഴങ്ങി ഫ്‌ളാറ്റ് തകര്‍ന്നടിയുകയായിരുന്നു. 

1.30ന്  നിയന്ത്രിത സ്‌ഫോടനത്തിലൂടെ ഫ്‌ളാറ്റ് പൊളിക്കുന്നതിനുള്ള ആദ്യ സയറണ്‍ മുഴങ്ങുമെന്നാണ് ആദ്യം അറിയിച്ചിരുന്നത്. എന്നാല്‍ സൂരക്ഷാ സംവിധാനങ്ങള്‍ അന്തിമമായി വിലയിരുന്നതിനായി അരമണിക്കൂറോളം അധികം എടുത്തശേഷം 1.56നാണ് ആദ്യ സയറണ്‍ മുഴങ്ങിയത് അതിനുശേഷം 2.20 ഓടെ രണ്ടാമത്തെ സയറണ്‍ മുഴങ്ങി 2.29ഓടെ അവസാന സയറണ്‍ മുഴങ്ങി. ഇത് അവസാനിച്ചതോടെ ഗോള്‍ഡന്‍ കായലോരം ഫ്‌ളാറ്റും നാമവശേഷമാവുകയായിരുന്നു. 

വളരെ കുറച്ച് സ്‌ഫോടക വസ്തുക്കള്‍ മാത്രം ഉപയോഗിച്ചാണ് ഗോള്‍ഡന്‍ കായലോരം ഫ്‌ളാറ്റ് തകര്‍ത്തത്. വെറും 15 കിലോ സ്‌ഫോടക വസ്തുക്കള്‍ ഉപയോഗിച്ചാണ് ഈ ഫ്‌ളാറ്റില്‍ സ്‌ഫോടനം നടത്തിയത്. എഡിഫെസ് തന്നെയാണ് ഇതും തകര്‍ത്തത്. എഡിഫെസിന്റെ മൂന്നാമത്തെ ദൗത്യമാണ്. ഇത് ശനിയാഴ്ച എച്ടുഒ ഫ്‌ളാറ്റ് തകര്‍ത്ത് എഡിഫെസ് തന്നെയാണ്. 

അതേസമയം വലുപ്പത്തില്‍ ചെറിയ ഫ്‌ളാറ്റ് ആണെങ്കിലും പൊളിക്കല്‍ വെല്ലുവിളി നിറഞ്ഞതായിരുന്നു ഈ ദൗത്യം. ഗോള്‍ഡന്‍ കായലോരത്തിന് തൊട്ടുചേര്‍ന്നുള്ള ഹീര അപ്പാര്‍ട്ട്‌മെന്റും അങ്കണവാടിയും ഉള്ളതാണ് വെല്ലുവിളി ഉയര്‍ത്തിയത്. തുടര്‍ന്ന് അങ്കണവാടി മുഴുവന്‍ ഷീറ്റിട്ട് മൂടിയശേഷമാണ് ആദ്യ സയറണ്‍ മുഴങ്ങിയത്. തുടര്‍ന്ന് കെട്ടിടത്തിന് 200 മീറ്റര്‍ ചുറ്റളവില്‍ ആളുകളെ ഒഴിപ്പിച്ച് പോലീസ് പരിശോധന നടത്തി ഉറപ്പിച്ചു. രണ്ടാമത്തെ സയറണില്‍ ദേശീയപാതയിലൂടെയുള്ള ഗതാഗതവും തടഞ്ഞ ശേഷമാണ് സ്‌ഫോടനം നടത്തിയത്. 

ശനിയാഴ്ചയും ഇന്നുമായി മൂന്ന് ഫ്‌ളാറ്റുകളുടേയും നിര്‍മാണം വിജയകരമായി പൂര്‍ത്തിയാക്കിയതിനുശേഷം അവസാനത്തേതായിരുന്നു ഗോള്‍ഡന്‍ കായലോരം. കെട്ടിടത്തെ രണ്ടായി പിളര്‍ന്നുകൊണ്ട് പൊളിക്കുന്ന വിധമാകും സ്ഫോടനത്തിന് പദ്ധതിയിട്ടത്. 7000ഓളം കോണ്‍ക്രീറ്റ് കൂന്പാരമാണ് ഫ്ളാറ്റ് തകര‍്ത്തതോടെ ഇവിടെ അടിഞ്ഞത്. ഫ്ളാറ്റ് തകര്‍ന്നടിഞ്ഞശേഷം അടുത്ത സയറണ്‍ മുഴക്കി പ്രത്യേകം സജ്ജരായിരുന്ന ഫയര്‍ഫോഴ്സ് ഉള്‍പ്പടെയുള്ളവ പൊടിപടലങ്ങള്‍ നിയന്ത്രിക്കാനുള്ള പ്രവര്‍ത്തനം ആരംഭിച്ചു. 

ഗോള്‍ഡന്‍ കായലോരവും മണ്ണടിഞ്ഞതോടെ സുപ്രീംകോടതി നിശ്ചയിച്ച സമയ പരിധിക്കുള്ളില്‍ തന്നെ ഫ്‌ളാറ്റുകള്‍ പൊളിച്ചുകഴിഞ്ഞു. ഇതുസംബന്ധിച്ച റിപ്പോര്‍ട്ട് സംസ്ഥാന സര്‍ക്കാര്‍ നാളെ കോടതില്‍ സമര്‍പ്പിക്കും.

ഇന്ന് രാവിലെ ജെയിന്‍ കോറല്‍ കോവ് അതിവിദഗ്ധമായി തന്നെ എഡിഫെസ് പൊളിച്ചിരുന്നു. 27000 ടണ്ണോളം കോണ്‍ക്രീറ്റ് കൂമ്പാരമായാണ് ഇത് തകര്‍ന്നുവീണത്. അതേസമയം തൊട്ടടുത്ത കായലിലേക്ക് പൊടി നീങ്ങിയതല്ലാതെ കെട്ടിടത്തിന്റെ അവശിഷ്ടങ്ങള്‍ ഒന്നും പതിച്ചിരുന്നില്ല. ജെയിന്‍ കോറല്‍ കോവ് സമുച്ചയം പൊളിച്ചത് വന്‍ വിജയമാണെന്ന് ജില്ലാ കളക്ടര്‍ എസ്. സുഹാസും കമ്മിഷണര്‍ വിജയ് സാക്കറെയും അറിയിച്ചിരുന്നു.