ന്യൂദല്ഹി: നിര്ഭയയെ കൊന്നവരുടെ വധശിക്ഷ നടപ്പാക്കാന് താന് തയ്യാറാണെന്ന് ആരാച്ചാര് പവന് ജലാദ്. ഇതിലൂടെ 130കോടി ജനങ്ങള്ക്ക് മനഃശാന്തി ലഭിക്കുമെന്നും പ്രതിഫലമായി ലഭിക്കുന്ന തുക മകളുടെ വിവാഹത്തിന് ഉപയോഗിക്കുമെന്നും പവന് വ്യക്തമാക്കി. ജനുവരി 22നാണ് നിര്ഭയ പ്രതികളായ മുകേഷ് സിങ്, വിനയ് ശര്മ, പവന് ഗുപ്ത, അക്ഷയ് സിങ് എന്നിവരുടെ വധശിക്ഷ തിഹാര് ജയിലില് നടക്കുന്നത്. രാവിലെ ഏഴുമണിക്കാണ് ശിക്ഷ നടപ്പിലാക്കുന്നത്.
ഇപ്പോള് ഉത്തര്പ്രദേശിലെ ഷരണ്പുരിലാണ് പവന് ജലാദ് ഉള്ളത്. നിര്ഭയകേസിലെ പ്രതികളുടെ വധശിക്ഷ നടപ്പാക്കാന് താന് തയ്യാറാണെന്നും മീററ്റ് ജയിലില് നിന്ന് ഔദ്യോഗിക അറിയിപ്പ് ലഭിച്ചാല് എത്രയും പെട്ടെന്നു തന്നെ തിഹാര് ജയിലിലേക്ക് പോകുമെന്നും പവന് പറഞ്ഞു. കഴിയുന്നതും വേഗത്തില് നിര്ഭയ കേസിലെ പ്രതികളുടെ വധശിക്ഷ നടപ്പാക്കണമെന്നാണ് പവന്റെ നിലപാട്. പട്യാല സെന്ട്രല് ജയിലിലാണ് ആദ്യമായി പവന് ആരാച്ചാരായി തന്റെ ജോലി നിര്വഹിച്ചത്. മുത്തച്ഛനൊപ്പമായിരുന്നു ആദ്യമായി പവന് വധശിക്ഷ നടപ്പാക്കിയത്. അന്ന് 20 22 വയസുണ്ടായിരുന്ന പവന് ഇന്ന് പ്രായം 58 വയസ്. ഒരു പ്രതിയെ തൂക്കിക്കൊല്ലുന്നതിന് 25, 000 രൂപ വെച്ച് ഒരു ലക്ഷം രൂപയാണ് പവന് പ്രതിഫലമായി ലഭിക്കുക. അങ്ങേയറ്റം, ദാരിദ്ര്യാവസ്ഥ നിറഞ്ഞ പവന് ജലാദിനെ ഈ തുക കുറച്ചേറെ സഹായിക്കും.
