ന്യൂദല്‍ഹി: ജവഹര്‍ലാല്‍ നെഹ്‌റു സര്‍വ്വകലാശാലയിലെ വിന്റര്‍ സെമസ്റ്റര്‍ രജിസ്‌ട്രേഷന്‍ ജനുവരില്‍ ഒന്നു മുതല്‍ 15വരെ ഓണ്‍ലൈനില്‍ നടത്താന്‍ അധികൃതര്‍ തീരുമാനിച്ചു. എന്നാല്‍, ഫീസ് വര്‍ധനയുടെ പേരില്‍ സമരം ചെയ്തിരുന്ന ജെഎന്‍യു സ്റ്റുഡന്റ്‌സ് യൂണിയന്‍(എസ്എഫ്‌ഐ, ഓള്‍ ഇന്ത്യ സ്റ്റുഡന്റ്‌സ് ഫെഡറേഷന്‍, ഓള്‍ ഇന്ത്യാ സ്റ്റുഡന്റ്‌സ് അസോസിയേഷന്‍ ഡെമോക്രാറ്റിക് സ്റ്റുഡന്റ്‌സ് ഫെഡറേഷന്‍ തുടങ്ങിയവയുടെ സംയുക്ത സംഘടന) ഈ രജിസ്‌ട്രേഷനെ എതിര്‍ത്തു. രജിസ്‌ട്രേഷന്‍ തടയാന്‍ അവര്‍ സെര്‍വര്‍ തന്നെ തകര്‍ക്കുകയായിരുന്നു. പോലീസ് കമ്മീഷണര്‍ പറഞ്ഞു.
ജെഎന്‍യു സംഘര്‍ഷങ്ങളുമായി ബന്ധപ്പെട്ട് നിരവധി വ്യാജ പ്രചാരണങ്ങളാണ് നടന്നതെന്ന് ദല്‍ഹി പോലീസ് പിആര്‍ഒ എം.എസ്. റണ്‍ധാവ അറിയിച്ചു. ഇതുമായി ബന്ധപ്പെട്ട മൂന്നു കേസുകള്‍ രജിസ്റ്റര്‍ ചെയ്ത് അന്വേഷിച്ചുവരികയാണെന്നും അദ്ദേഹം പറഞ്ഞു.
ജനുവരി മൂന്നിനാണ് ജെഎന്‍യുവിലെ സംഘര്‍ഷങ്ങളുടെ തുടക്കം. ഇടതു വിദ്യാര്‍ഥി സംഘടനകള്‍ സെര്‍വര്‍ തകര്‍ക്കാന്‍ ശ്രമിക്കുകയും രജിസ്‌ട്രേഷന്‍ പ്രക്രിയ തടസ്സപ്പെടുത്തുകയും ചെയ്തതാണ് തുടക്കം. ഇതിനെതിരായ പ്രതിഷേധങ്ങള്‍ക്ക് നേരെ എസ്എഫ്‌ഐയും മറ്റു മൂന്നു വിദ്യാര്‍ഥി സംഘടനകളും അക്രമമഴിച്ചുവിട്ടു, അദ്ദേഹം പറഞ്ഞു. അതിനിടെ സ്റ്റുഡന്റ്‌സ് യൂണിയന്‍ നേതാക്കള്‍ മനുഷ്യ വിഭവശേഷി സെക്രട്ടറി അമിത് ഖരെയുമായി ചര്‍ച്ച നടത്തി.
സര്‍വ്വകലാശാലയിലെ പ്രശ്‌നം വേഗം അവസാനിപ്പിക്കാന്‍ മനുഷ്യ വിഭവശേഷി മന്ത്രാലയം വിസി ജഗദേഷ്‌കുമാറിനോട് നിര്‍ദേശിച്ചു. ക്ലാസുകള്‍ ജനുവരി 13ന് പുനരാരംഭിക്കുമെന്ന് വിസി അറിയിച്ചു. മനുഷ്യ വിഭവശേഷി സെക്രട്ടറി അമിത് ഖരെയുമായി ചര്‍ച്ച നടത്തിയ ശേഷമാണ് അദ്ദേഹം ഇക്കാര്യം പറഞ്ഞത്.
സര്‍വ്വകലാശാല ക്യാമ്പസിലെ നിലവിലെ സ്ഥിതിഗതികള്‍ ശാന്തമാണെന്ന് വിസി അറിയിച്ചു. അക്കാദമിക് പ്രവര്‍ത്തനങ്ങള്‍ പുനരാരംഭിക്കാന്‍ സാധിക്കും. പുതിയ സെമസ്റ്ററിലേക്കുള്ള സര്‍വീസ്, യൂട്ടിലിറ്റി ചാര്‍ജ്ജുകള്‍ യുജിസി അടയ്‌ക്കാന്‍ തീരുമാനിച്ചതോടെ വിദ്യാര്‍ഥികളുടെ പരാതികളെല്ലാം അവസാനിച്ചതായും വിസി വ്യക്തമാക്കി.
പിന്തുണ നഷ്ടമായി; സമരം തുടരാനാവാതെ ഇടതു സംഘടനകള്‍
ന്യൂദല്‍ഹി: ജെഎന്‍യു വിദ്യാര്‍ഥികളുടെ പിന്തുണ പൂര്‍ണമായും നഷ്ടമായെന്നുറപ്പായതോടെ സമരവുമായി മുന്നോട്ട് പോകേണ്ടെന്ന നിലപാടിലേക്ക് ഇടതു വിദ്യാര്‍ഥി സംഘടനകള്‍. സമരം തുടരണോ എന്ന കാര്യം വിദ്യാര്‍ഥി യൂണിയന്‍ യോഗം ചേര്‍ന്ന് തീരുമാനിക്കുമെന്ന് വിദ്യാര്‍ഥി യൂണിയന്‍ പ്രസിഡന്റ് അയിഷെ ഘോഷ് പറഞ്ഞു. വിദ്യാര്‍ഥി യൂണിയനും ഇടതു സംഘടനകളും പ്രഖ്യാപിച്ച സെമസ്റ്റര്‍ ബഹിഷ്‌ക്കരണം തള്ളി രജിസ്റ്റര്‍ ചെയ്ത വിദ്യാര്‍ഥികളുടെ എണ്ണം ആറായിരത്തിലേക്ക് എത്തിയതോടെയാണ് സമരം പൊളിഞ്ഞെന്ന് ബോധ്യമായത്. അയിഷെ ഘോഷിന്റെയും സംഘത്തിന്റെയും ശ്രമം.
