ലഖ്നൗ: പൗരത്വ ഭേദഗതി നിയമത്തിനെതിരേ ഉത്തര് പ്രദേശിലെ വിവിധയിടങ്ങളില് നടന്ന കലാപം ആസൂത്രിതമെന്ന് തെളിഞ്ഞതായി യുപി പോലീസ്. കലാപവുമായി ബന്ധപ്പെട്ട 25 പോപ്പുലര് ഫ്രണ്ട് തീവ്രവാദികള് അറസ്റ്റിലായതായ യുപി ഐജി പ്രവീണ് കുമാര് വ്യക്തമാക്കി. വിശദമായ അന്വേഷണത്തില് ലഖ്നൗ അടക്കം വിവിധിയിടങ്ങളില് നടന്ന അക്രമങ്ങളില് പ്രദേശവാസികളുടെ ഒരു സഹായവും ഉണ്ടായിരുന്നില്ലെന്ന് കണ്ടെത്തി. കലാപം ആസൂത്രിതമാക്കാന് വിവിധയിടങ്ങളില് നിന്ന് പോപ്പുലര് ഫ്രണ്ടുകാരെ ഇവിടങ്ങളിലേക്ക് എത്തിക്കുകയായിരുന്നു. അറസ്റ്റിലായ 25 പേരും കൊടുംക്രിമിനലുകളാണെന്നും പോലീസ് വ്യക്തമാക്കിയിട്ടുണ്ട്. കേരളത്തിലെ പോപ്പുലര് ഫ്രണ്ടുകാര്ക്കടക്കം അക്രമങ്ങളില് പങ്കുണ്ടെന്നും യുപി പോലീസ് കണ്ടെത്തിയിട്ടുണ്ട്. ഇതില് വിശദമായ അന്വേഷണത്തിന് ഒരുങ്ങുകയാണ് പോലീസ്.
നേരത്തേ, പൗരത്വ ഭേദഗതി നിയമത്തിനെതിരായ പ്രതിഷേധങ്ങളില് കരുതിക്കൂട്ടി കലാപം അഴിച്ചുവിട്ടത് പോപ്പുലര് ഫ്രണ്ടാണെന്നും കണ്ടെത്തിയെന്നും അതുകൊണ്ട് തന്നെ ജിഹാദി സംഘടനയെ നിരോധിക്കണമെന്നും യുപി ഡിജിപി ഒ.പി. സിങ് വ്യക്തമാക്കിയിരുന്നു. കേന്ദ്ര ആഭ്യന്തര മന്ത്രാലയത്തിന് അയച്ച കത്തിലാണ് ഉത്തര്പ്രദേശ് ഡിജിപി ഇതു സംബന്ധിച്ച കാര്യം വ്യക്തമാക്കിയിരിക്കുന്നത്. പോപ്പുലര് ഫ്രണ്ട് പ്രവര്ത്തകരാണെന്ന് അന്വേഷണത്തില് കണ്ടെത്തിയതിനെ തുടര്ന്നാണ് നടപടി.
ഉത്തര്പ്രദേശിലെ അക്രമങ്ങളില് പോപ്പുലര് ഫ്രണ്ട് പ്രവര്ത്തകര് ഉള്പ്പെട്ടിട്ടുണ്ടെന്ന് യു.പി. പോലീസ് നേരത്തെ പറഞ്ഞിരുന്നു. ഈ സംഭവങ്ങളില് യുപിയിലെ പോപ്പുലര് ഫ്രണ്ട് നേതാക്കളെ പോലീസ് അറസ്റ്റ് ചെയ്തിരുന്നു. ഇതിനുപിന്നാലെയാണ് ഡിജിപി കേന്ദ്രത്തിന് കത്തയച്ചയത്. യുപിയില് പൗരത്വ ഭേദഗതി നിയമത്തിനെതിരായ പ്രതിഷേധത്തെ തുടര്ന്ന് യുപിയിലുണ്ടായ സംഘര്ഷത്തില് ഇരുപതിലധികം പേര് കൊല്ലപ്പെട്ടിരുന്നു. ഉത്തര്പ്രദേശിലെ പലയിടങ്ങളിലും വ്യാപകമായ അക്രമസംഭവങ്ങള് അരങ്ങേറിയിരുന്നു. പൊതുമുതല് നശിപ്പിച്ചവരുടെ സ്വത്തുക്കള് കണ്ടുകെട്ടുന്നത് ഉള്പ്പെടെയുള്ള നടപടികള് യു.പി. സര്ക്കാര് സ്വീകരിച്ചിരുന്നു. നിയമത്തിനെതിരേ നടന്ന പ്രതിഷേധങ്ങള്ക്കിടെയുണ്ടായ അക്രമസംഭവങ്ങളില് കേരളത്തില്നിന്നുള്ളവര്ക്കും പങ്കുണ്ടെന്ന് യു.പി. പോലീസ് കഴിഞ്ഞ ദിവസം അറിയിച്ചിരുന്നു. കാണ്പൂരില് നടന്ന അക്രമസംഭവങ്ങളിലും കലാപങ്ങളിലും കേരളത്തില് നിന്നുള്ളവരുമുണ്ടെന്നാണ് യു.പി. പോലീസിന്റെ രഹസ്യാന്വേഷണ വിഭാഗം റിപ്പോര്ട്ട് നല്കിയത്. ഇവരെ കണ്ടെത്താന് കേരളത്തിലടക്കം പോസ്റ്റര് പതിക്കുമെന്നും യു.പി. പോലീസ് അറിയിച്ചിരുന്നു.
