കൊച്ചി: എന്പിആറിനേയും പൗരത്വ ഭേദഗതി ബില്ലിനേയും അന്ധമായി എതിര്ക്കുന്ന കോണ്ഗ്രസിന് ചുട്ട മറുപടി നല്കി ബിജെപി സംസ്ഥാന ജനറല് സെക്രട്ടറി ശോഭാ സുരേന്ദ്രന്. വിഷയത്തെ കുറിച്ച് 2012-ല് അന്നത്തെ കേന്ദ്ര ആഭ്യന്തരമന്ത്രി പി. ചിദംബരം സംസാരിക്കുന്ന വീഡിയോ ഫെയ്സ്ബുക്കില് പോസ്റ്റ് ചെയ്താണ് ശോഭാ സുരേന്ദ്രന് കോണ്ഗ്രസിനെതിരെ തുറന്നടിച്ചത്.
എന്പിആര് നടത്തുന്നത് റസിഡന്ഷിപ്പ് കാര്ഡ് നല്കാനാണെന്നും ആത്യന്തികമായി പിന്നീടത് പൗരത്വ കാര്ഡ് നല്കുന്നതിനായാണ് മാറുകയെന്നും ചിദംബരം വീഡിയോയില് വളരെ വ്യക്തമായി പറയുന്നുണ്ട്. കോണ്ഗ്രസ് സര്ക്കാര് തന്നെ ഇത്തരത്തില് നടപ്പിലാക്കുകയും വിഭാവനം ചെയ്യുകയും ചെയ്തിട്ടുള്ള എന്.പി.ആറിനെ തള്ളി പറയുകയും ഇതില് നിന്ന് വിട്ട് നില്ക്കാന് കേരളം ഭരിക്കുന്ന ഇടത് സര്ക്കാരില് സമ്മര്ദ്ദം ചെലുത്തുകയും ചെയ്ത രമേശ് ചെന്നിത്തല കേരള സമൂഹത്തോട് മുഴുവന് മാപ്പ് പറയണം. നിലവിലെ പ്രതിഷേധങ്ങളിലൂടെ കോണ്ഗ്രസ്-ഇടതുപക്ഷ സംഘടനകള് മുസ്ലീം വോട്ടുകളാണ് ലക്ഷ്യമിടുന്നതെന്നും ശോഭാ സുരേന്ദ്രന് വിമര്ശിച്ചു.
ശോഭ സുരേന്ദ്രന്റെ ഫേസ്ബുക്ക് പോസ്റ്റിന്റെ പൂര്ണരൂപം:
എന്.പി.ആര് നേയും പൗരത്വ ഭേദഗതി ബില്ലിനേയും അന്ധമായി എതിര്ക്കുന്ന കോണ്ഗ്രസ്സ് നേതാക്കളും അണികളും കണ്ണു തുറന്ന് കാണുക 2012-ല് യു.പി.എ മന്ത്രിസഭയിലെ അന്നത്തെ കേന്ദ്ര ആഭ്യന്തര മന്ത്രിയായിരുന്ന പി. ചിദംബരം എന്.പി.ആറിനെ പറ്റി സംസാരിക്കുന്നത്. എന്.പി.ആര് നടത്തുന്നത് റസിഡന്ഷിപ്പ് കാര്ഡ് നല്കാന് ആണെന്നും ആത്യന്തികമായി പിന്നീടത് പൗരത്വ കാര്ഡ് നല്കുന്നതിനായാണ് മാറുകയെന്നും ചിദംബരം വളരെ വ്യക്തമായി പറയുന്നുണ്ട്.
വസ്തുതകള് ഇങ്ങനെ ആണെന്നിരിക്കെ, കോണ്ഗ്രസ് സര്ക്കാര് തന്നെ ഇത്തരത്തില് നടപ്പിലാക്കുകയും വിഭാവനം ചെയ്യുകയും ചെയ്തിട്ടുള്ള എന്.പി.ആറിനെ തള്ളി പറയുകയും ഇതില് നിന്ന് വിട്ട് നില്ക്കാന് കേരളം ഭരിക്കുന്ന ഇടത് സര്ക്കാരില് സമ്മര്ദ്ദം ചെലുത്തുകയും ചെയ്ത രമേശ് ചെന്നിത്തല കേരള സമൂഹത്തോട് മുഴുവന് മാപ്പ് പറയണം. നുണ സിദ്ധാന്തങ്ങള് ഉണ്ടാക്കി കൊണ്ടും, തങ്ങളുടെ തന്നെ മുന്കാല പ്രവൃത്തികളെ മറച്ചു വെച്ചു കൊണ്ടും കോണ്ഗ്രസ്സ് പാര്ട്ടിയും ഇടതുപക്ഷ പാര്ട്ടികളും ഇന്ന് നടത്തുന്ന പ്രതിഷേധങ്ങള് മുസ്ലീം വോട്ടുകള് ലക്ഷ്യം വെച്ചുള്ള രാഷ്ട്രീയ നാടകങ്ങള് മാത്രമാണ്. ഇത്തരം വില കുറഞ്ഞ രാഷ്ട്രീയ അടവുകള് കാരണം പൊതുജനത്തിനിടയിലുള്ള സമാധാനവും സാഹോദര്യവും ആണ് നഷ്ടപ്പെടുന്നത്.
കലാപങ്ങള് ഉണ്ടാക്കി ഭരണം പിടിക്കാന് ഇത് സിറിയയല്ലെന്ന് ഈ തുക്ടാ-തുക്ടാ ഗ്യാങ് ഓര്മ്മിച്ചാല് നന്ന്. ഈ ഡിജിറ്റല് യുഗത്തില് ഓര്മ്മകളുടെ ശവപ്പറമ്പ് എന്നൊന്നില്ല. ഈ സത്യം തിരിച്ചറിയാത്തത് കാരണമാണ് രാജ്യവിരുദ്ധ ശക്തികളുടെ കൈയ്യിലെ ചട്ടുകം ആയി മാറി, ജനാധിപത്യ മര്യാദകളോടെ പാര്ലമെന്റ് പാസ്സാക്കിയ രാജ്യ നന്മയെ മാത്രം ഉദ്ദേശിച്ചുള്ള പൗരത്വ ഭേദഗതി ബില്ലിനെ, തങ്ങളുടെ തന്നെ മുന്കാല നിലപാടുകള് വിഴുങ്ങി കൊണ്ട് കോണ്ഗ്രസ്സ് ഇടത് കക്ഷികള് ഇന്നെതിര്ക്കുന്നത്. എത്ര തന്നെ ശ്രമിച്ചാലും പൊതുജനങ്ങളുടെ കണ്ണില് പൊടിയിടാനുള്ള ഈ കുല്സിത ശ്രമങ്ങള് ഒക്കെയും, ചായക്കോപ്പയിലെ കൊടുങ്കാറ്റായി അവസാനിക്കുക തന്നെ ചെയ്യും.
https://www.facebook.com/SobhaSurendranOfficial/videos/603127540232249/
