കൊല്ലം: ഹിന്ദുസമൂഹത്തെ തകര്ച്ചയില് നിന്നു കാത്തുരക്ഷിക്കുന്നതില് തന്ത്രിസമൂഹത്തിന്റെ പങ്ക് നിസ്തുലമാണെന്ന് അശ്വതി തിരുനാള് ഗൗരി ലക്ഷ്മിഭായി തമ്പുരാട്ടി. അഖിലകേരള തന്ത്രിമണ്ഡലം സംസ്ഥാന സമ്മേളനത്തിന്റെ ദീപപ്രോജ്വലനം നിര്വഹിക്കുകയായിരുന്നു അവര്.
ഡോക്ടര്മാരും എഞ്ചിനീയര്മാരുമാകണമെന്ന് അഭിലഷിക്കുന്ന നവതലമുറയില് വേദസംസ്കാരം എത്തിക്കാനുള്ള തന്ത്രിമാരുടെയും ആചാര്യന്മാരുടെയും പ്രയത്നം അഭിനന്ദനാര്ഹമാണ്. പരമ്പരാഗതമായ തന്ത്രിമാരുടെ അഭാവം സമൂഹത്തിലാകെ പ്രകടമാണ്. എത്രയോ നൂറ്റാണ്ടുകളായി ഈശ്വരസേവയിലൂടെ സമൂഹത്തെ ഉന്നതിയിലേക്ക് കൊണ്ടുപോകുന്ന തന്ത്രിസമൂഹത്തിന് ആധുനികകാലത്ത് കൂടുതല് കാര്യങ്ങള് ചെയ്യാനാകുമെന്നും അവര് പറഞ്ഞു.
സംസ്ഥാന പ്രസിഡന്റ് നീലമന പ്രൊഫ. വി.ആര്. നമ്പൂതിരി അധ്യക്ഷത വഹിച്ചു. എന്.കെ. പ്രേമചന്ദ്രന് എംപി മുഖ്യപ്രഭാഷണം നടത്തി. ദേവസ്വം ബോര്ഡ് മുന് പ്രസിഡന്റ് പ്രയാര് ഗോപാലകൃഷ്ണന് തന്ത്രിമണ്ഡലം കലണ്ടര് പ്രകാശനം ചെയ്തു. സംഘടന നല്കുന്ന വീല്ചെയറുകള് മേയര് ഹണി ബെഞ്ചമിന് ഏറ്റുവാങ്ങി.
പെരിയമന എം. നാരായണന്നമ്പൂതിരി, ക്ടാക്കോട്ടില്ലം എസ്. രാധാകൃഷ്ണന്പോറ്റി, വാഴയില്മഠം എസ്. വിഷ്ണുനമ്പൂതിരി, കുടല്മന പി. വിഷ്ണുനമ്പൂതിരി, വാളക്കോട്ടില്ലം ദിലീപന് നാരായണന് നമ്പൂതിരി, എസ്. രാധാകൃഷ്ണന്പോറ്റി, ശങ്കരര് ശങ്കരര് ഭദ്രാസര്, എസ്. സുരേഷ്പോറ്റി തുടങ്ങിയവര് സംസാരിച്ചു.
