തിരുവനന്തപുരം: എന്പിആര് മുഖ്യമന്ത്രി പിണറായി വിജയനെക്കൊണ്ടു തന്നെ നടപ്പിലാക്കുമെന്ന് ബിജെപി ജനറല് സെക്രട്ടറി ബി ഗോപാലകൃഷ്ണന്. നടപ്പാക്കിയില്ലെങ്കില് കേരളത്തിനു റേഷന് പോലും ലഭിക്കില്ലെന്നും അദേഹം വ്യക്തമാക്കി. മുസ്ലീം ലീഗ് മതവര്ഗീയ വാദികളെ കയറൂരി വിടുകയാണ്. ഗള്ഫിലുള്ള ഹിന്ദുക്കളെ ചിലര് ഭീഷണിപ്പെടുത്തുന്നുണ്ട്. ഹിന്ദുക്കളെ ഭീഷണിപ്പെടുത്തിയാല് പാകിസ്താനിലേക്ക് പോകേണ്ടി വരും. എന്പിആറില് കളവ് പറയാന് ആഹ്വാനം ചെയ്ത അരുന്ധതി റോയിയെ രാഷ്ട്രീയ മന്ഥര എന്നാണ് വിളിക്കേണ്ടതെന്നും അദേഹം പത്രസമ്മേളനത്തില് പറഞ്ഞു.
സംവിധായകന് കമാലുദീന് ഒന്നാന്തരം വര്ഗീയ വാദിയാണ്. മോദി സര്ക്കാര് നല്കുന്ന പണം കൊണ്ടാണ് ചലച്ചിത്ര അക്കാദമി പ്രവര്ത്തിക്കുന്നതെന്ന ഓര്മ്മ വേണം. സിനിമാക്കാരുടെ സമരത്തില് മാന്യന്മാര് പങ്കെടുത്തില്ലെന്നും ബി ഗോലാപകൃഷ്ണന് പറഞ്ഞു. ദേശീയ ജനസംഖ്യാ രജിസ്റ്റര് തയ്യാറാക്കുന്നതിനുള്ള നടപടികളില് നിന്ന് വിട്ട് നില്ക്കുമെന്ന് പറയാന് കേരളത്തിലെ മുഖ്യമന്ത്രിക്ക് അധികാരമില്ലെന്ന് ബിജെപി സംസ്ഥാന ജനറല് സെക്രട്ടറി കെ. സുരേന്ദ്രനും വ്യക്തമാക്കിയിരുന്നു.
ജനസംഖ്യാ കണക്കെടുപ്പും സെന്സസും അടക്കമുള്ള നടപടികള് ഇന്നും ഇന്നലെയും തുടങ്ങിയതല്ലെന്ന് ഓര്ക്കണം. ദേശീയ ജനസംഖ്യാ രജിസ്റ്റര് തയ്യാറാക്കുന്നതിനുള്ള നടപടികളില് നിന്ന് വിട്ട് നില്ക്കുമെന്ന പ്രഖ്യാപനവുമായി മുന്നോട്ട് പോകുകയാണെങ്കില് കേന്ദ്രത്തില് നിന്ന് ആനുകൂല്യങ്ങള് കിട്ടാത്തതിന് പിണറായി വിജയന് മറുപടി പറയേണ്ടിവരും.
സമരത്തിന് പിന്നില് തീവ്രവാദ ശക്തികളും മതമൗലികവാദികളുമാണ്. സിപിഎമ്മും ലീഗും തമ്മിലുള്ള സഖ്യമാണ് ഭാവിയില് ഉണ്ടാകാന് പോകുന്നത്. കോണ്ഗ്രസിന് ഇനിയും കാര്യങ്ങള് വ്യക്തമായിട്ടില്ലെന്നും കെ. സുരേന്ദ്രന് പരിഹസിച്ചു. ദേശീയ ജനസംഖ്യാ രജിസ്റ്റര് തയ്യാറാക്കുന്നതിനുള്ള നടപടികളില് നിന്ന് വിട്ട് നില്ക്കുമെന്ന് പറയാന് പിണറായി വിജയനെന്ത് അധികാരമാണുള്ളത്. കണക്കെടുപ്പ് പൂര്ത്തിയാക്കുന്ന ആദ്യ സംസ്ഥാനം കേരളമായിരിക്കുമെന്നും കെ. സുരേന്ദ്രന് തൃശൂരില് പറഞ്ഞു.
