വിന്ഡീസിനെതിരായ രണ്ടാം ഏകദിനത്തില് മൈതാനം പൂരപ്പറമ്പാക്കി ഹിറ്റ്മാന് രോഹിത് ശര്മ. 159 റണ്സാണ് 138 ബോളില് നിന്ന് രോഹിത് അടിച്ചുകൂട്ടിയത്. ഇതോടെ ഒരു കലണ്ടര് വര്ഷത്തില് ആദ്യ 10 സെഞ്ചുറി അടിക്കുന്ന ബാറ്റ്സ്മാനായി രോഹിത് ശര്മ. അഞ്ചു സിക്സറുകളും 17 ഫോറുകളും അടങ്ങിയതാണ് രാഹുലിന്റെ ഇന്നിങ്സ്. ഇന്ത്യ അഞ്ചുവിക്കറ്റ് നഷ്ടത്തില് 387 റണ്സ് നേടി. ഓപ്പണര് കെ എല് രാഹുല് 104 ബോളില് നിന്ന് 102 റണ്സെടുത്തു. എന്നാല് പിന്നാലെ വന്ന നായകന് കോഹ്ലിക്ക് തിളങ്ങാനായില്ല. റണ്സൊന്നും എടുക്കാതെ പുറത്താകുകയായിരുന്നു. എന്നാല്, പിന്നാലെ എത്തിയ ശ്രേയസ്സ് അയ്യരും ഋഷഭ് പന്തും മികച്ച റണ്റേറ്റോടെ ഇന്ത്യയുടെ റണ്സുയര്ത്തി. ഋഷഭ് പന്ത് 39(16), ശ്രേയസ്സ് അയ്യര് 53(32), കേദാര് ജാദവ് 16(10).
ഇന്ന് കളി തോറ്റാല് പരമ്പര നഷ്ടമാകുമെന്നിരിക്കെയാണ് ടീമിലെ നിര്ണായകമാറ്റവുമായി കോഹ്ലിയും സംഘവും ഇറങ്ങിയത്. ടോസ് നേടിയ വിന്ഡീസ് നായകന് കീറോണ് പൊള്ളാര്ഡ് ഇന്ത്യയെ ബാറ്റിംഗിന് അയക്കുകയായിരുന്നു. രോഹിത് ശര്മ്മയും കെ എല് രാഹുലും സെഞ്ചുറികളോടെ വമ്പന് തുടക്കമാണ് ഇന്ത്യക്ക് നല്കിയത്. ശിവം ദുബെക്ക് പകരം ശ്രദുല് താക്കൂര് ടീമിലുള്ളത്. ഇന്ന് വിന്ഡീസ് ജയിച്ചാല് 2002ന് ശേഷം ആദ്യമായി ഇന്ത്യയില് പരമ്പര നേടുന്നു എന്ന നേട്ടമാകും അവര്ക്ക്.
