തിരുവനന്തപുരം: ഉന്നത വിദ്യാഭ്യാസ മന്ത്രി കെ.ടി. ജലീലിനു വേണ്ടി സര്വകലാശാല വൈസ് ചാന്സലര്മാരും ചട്ടലംഘനങ്ങള്ക്ക് കൂട്ടുനിന്നു. മന്ത്രിയും പ്രൈവറ്റ് സെക്രട്ടറിയും വിസിമാരും ചേര്ന്ന് നടത്തുന്ന വലിയ ക്രമക്കേടുകളാണ് ഇപ്പോള് പുറത്തുവരുന്നത്.
ചട്ടങ്ങളെല്ലാം കാറ്റില്പ്പറത്തി മന്ത്രിയുടെ പ്രൈവറ്റ് സെക്രട്ടറി വൈസ് ചാന്സലര്മാരോടും അദാലത്ത് നടത്താന് നേരിട്ട് ഉത്തരവിട്ടു. സാധാരണ നടപടിക്രമങ്ങള് പോലും പാലിക്കാതെയാണ് വിസിമാര് പ്രൈവറ്റ് സെക്രട്ടറിയുടെ ആഗ്രഹത്തിന് കൂട്ടുനിന്നത്. ചാന്സലറായ ഗവര്ണര് നല്കുന്ന ഉത്തരവിന് സമാനമായ പരിഗണനയാണ് മന്ത്രിയുടെ പിഎസ് നല്കിയ കത്തിനും വിസിമാര് നല്കിയത്. സ്വയം ഭരണാധികാരമുള്ള സര്വകലാശാലകളില് വിസിമാരുടെ ഒത്താശയോടെ മന്ത്രി കെ.ടി. ജലീല് ഇടപെടുന്നു എന്നാണ് പുറത്തുവരുന്ന തെളിവുകള് വ്യക്തമാക്കുന്നത്.
അദാലത്ത് നടത്താന് പ്രൈവറ്റ് സെക്രട്ടറി കെ. ഷറഫുദ്ദീന് ഉന്നത വിദ്യാഭ്യാസ പ്രിന്സിപ്പല് സെക്രട്ടറിക്ക് കുറിപ്പ് നല്കിയതിന് പിന്നാലെ സര്വകലാശാല വിസിമാര്ക്കും ഇത് സംബന്ധിച്ച ഉത്തരവ് നല്കി. സ്വയം ഭരണാധികാരമുള്ള വൈസ് ചാന്സലര്മാര്ക്ക് ചാന്സലറായ ഗവര്ണര് മാത്രമാണ് മേലധികാരി എന്നിരിക്കെ മന്ത്രിയുടെ പ്രൈവറ്റ് സെക്രട്ടറി നിയമം കൈയിലെടുത്ത് ഉത്തരവുകള് നല്കുകയായിരുന്നു. കഴിഞ്ഞ ഫെബ്രുവരി ഒന്നിനാണ് കെ. ഷറഫുദ്ദീന് മന്ത്രി കെ.ടി. ജലീലിന്റെ ഓഫീസില് നിന്ന് തയാറാക്കിയ ഉത്തരവ് കേരളത്തിലെ സര്വകലാശാല വിസിമാര്ക്ക് നല്കിയത്. മന്ത്രിയെ ഫയലുകള് കാണിക്കണമെന്നും മന്ത്രി ഇടപെടേണ്ട ഫയലുകള് മാറ്റി വയ്ക്കണമെന്നും ആവശ്യപ്പെടുന്ന ഉത്തരവ് ലഭിച്ചതോടെ സര്വകലാശാല വിസിമാര് അതേപടി അനുസരിച്ച് മറ്റ് ഉദ്യോഗസ്ഥര്ക്കും സര്ക്കുലര് നല്കി.
സര്വകലാശാല രജിസ്ട്രാര്മാരാണ് ഇത്തരത്തിലുള്ള സര്ക്കുലറുകള് ഇറക്കേണ്ടത്. അത് മറികടന്ന് വിസിമാര് മന്ത്രിയുടെ പിഎസിന്റെ നിര്ദേശം അനുസരിക്കുകയായിരുന്നു. ഇതില് അഴിമതിയുണ്ടെന്ന സംശയവും ഉയരുന്നുണ്ട്.
