കണ്ണൂര്: കേരള എന്ജിഒ സംഘ് 41-ാം സംസ്ഥാന സമ്മേളനം ഇന്ന് മുതല് 14 വരെ കണ്ണൂരില്. ഇന്ന് രാവിലെ 11ന് സംസ്ഥാന ഭാരവാഹി യോഗം കണ്ണൂര് ബിഎംഎസ് കാര്യാലയത്തില് ബിഎംഎസ് സംസ്ഥാന സംഘടനാ സെക്രട്ടറി സി.വി. രാജേഷ് ഉദ്ഘാടനം ചെയ്യും.
നാളെ ദത്തോപാന്ത് ഠേംഗ്ഡിജി നഗറില് (നവനീതം ഓഡിറ്റോറിയം) പ്രതിനിധി സമ്മേളനം രാവിലെ 10ന് രാഷ്ട്രീയ രാജ്യകര്മ്മചാരി മഹാസംഘ് അഖിലേന്ത്യാ ജനറല് സെക്രട്ടറി വിഷ്ണുപ്രസാദ് വര്മ്മ ഉദ്ഘാടനം ചെയ്യും. എന്ജിഒ സംഘ് സംസ്ഥാന അധ്യക്ഷന് സി. സുരേഷ്കുമാര് അധ്യക്ഷത വഹിക്കും.
ബിഎംഎസ് സംസ്ഥാന പ്രസിഡന്റ് കെ.കെ. വിജയകുമാര്, റിട്ട. ജസ്റ്റിസ് കെ.പി. ജ്യോതീന്ദ്രനാഥ്, എന്ജിഒ സംഘ് സംസ്ഥാന ജനറല് സെക്രട്ടറി എസ്.കെ. ജയകുമാര്, എന്ടിയു സംസ്ഥാന പ്രസിഡന്റ് സി. സദാനന്ദന് മാസ്റ്റര് തുടങ്ങിയവര് സംസാരിക്കും. യാത്രയയപ്പ് സമ്മേളനം ആര്എസ്എസ് പ്രാന്ത സഹസംഘചാലക് അഡ്വ. കെ.കെ. ബാലറാം ഉദ്ഘാടനം ചെയ്യും.
ഉച്ചയ്ക്ക് രണ്ടിന് സാംസ്കാരിക സമ്മേളനം സാഹിത്യകാരന് പി.ആര്. നാഥന് ഉദ്ഘാടനം ചെയ്യും. ആര്എസ്എസ് പ്രാന്തീയ വിദ്യാര്ഥി പ്രമുഖ് വത്സന് തില്ലങ്കേരി മുഖ്യപ്രഭാഷണം നടത്തും.
വൈകിട്ട് 3.30ന് വനിതാ സമ്മേളനം വിദ്യാനികേതന് സംസ്ഥാന പ്രസിഡന്റ് ഡോ. സുമതി ഹരിദാസ് ഉദ്ഘാടനം ചെയ്യും. വൈകിട്ട് അഞ്ചിന് പ്രകടനവും തുടര്ന്ന് സ്റ്റേഡിയം കോര്ണറില് പൊതുസമ്മേളനവും നടക്കും. ബിഎംഎസ് സംസ്ഥാന ജനറല് സെക്രട്ടറി എം.പി.രാജീവന് ഉദ്ഘാടനം ചെയ്യും. എന്ജിഒ സംഘ് സംസ്ഥാന ജനറല് സെക്രട്ടറി എസ്.കെ. ജയകുമാര് മുഖ്യപ്രഭാഷണം നടത്തും.
14ന് രാവിലെ ഒന്പതിന് ദത്തോപാന്ത് ഠേംഗ്ഡിജി ജന്മശതാബ്ദി ആഘോഷങ്ങളുടെ ഭാഗമായുള്ള അനുസ്മരണ സമ്മേളനം ബിഎംഎസ് സംസ്ഥാന ഉപാധ്യക്ഷന് സി. ഉണ്ണികൃഷ്ണന് ഉണ്ണിത്താന് ഉദ്ഘാടനം ചെയ്യും. 10ന് സംസ്ഥാന കൗണ്സില് യോഗം ജിഇഎന്സി സംസ്ഥാന ജനറല് സെക്രട്ടറി കെ.പി. രാജേന്ദ്രന് ഉദ്ഘാടനം ചെയ്യും.
രാവിലെ 11ന് സുഹൃദ് സമ്മേളനം ആര്ആര്കെഎംഎസ് അഖിലേന്ത്യാ വൈസ് പ്രസിഡന്റ് പി. സുനില്കുമാര് ഉദ്ഘാടനം ചെയ്യും. വൈകിട്ട് അഞ്ചിന് സമാപന സമ്മേളനം ബിഎംഎസ് സംസ്ഥാന സെക്രട്ടറി ആര്. രഘുരാജ് ഉദ്ഘാടനം ചെയ്യും.
എന്ജിഒ സംഘ് സംസ്ഥാന ജനറല് സെക്രട്ടറി എസ്.കെ. ജയകുമാര്, ജനറല് കണ്വീനര് എം.ടി. മധുസൂധനന്, സംസ്ഥാന കൗണ്സില് അംഗം പി.പി. സുരേഷ് ബാബു, ജില്ലാ പ്രസിഡന്റ് സജീവന് ചാത്തോത്ത്, ജില്ലാ സെക്രട്ടറി കെ.കെ. സന്തോഷ് എന്നിവര് വാര്ത്താസമ്മേളനത്തില് സംബന്ധിച്ചു.
